قۇرىلىستىڭ باستاپقى ساتىسىندا ۇلەسكەرلەردىڭ اقشاسىن قابىلداۋعا ءتيىستى رۇقساتى جوق قۇرىلىس ۇيىمدارىنىڭ ءتىزىمى جاسالدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
قولدانىستاعى زاڭنامانى اينالىپ ءوتىپ جاسالعان بارلىق مامىلەلەر, اتاپ ايتقاندا الدىن الا برونداۋ شارتى, رەزەرۆتەۋ شارتى, ينۆەستيتسيالاۋ شارتى, تالاپ ەتۋ قۇقىعىن باسقاعا بەرۋ شارتى تومەندە كورسەتىلگەن كوپپاتەرلى تۇرعىن ءۇي كەشەندەرىندە جارامسىز بولىپ سانالادى.
«استانا قالاسىنىڭ اكىمدىگى اقشاڭىزعا اباي بولۋ كەرەكتىگىن ەسكەرتەدى جانە رۇقسات قۇجاتتارى جوق تۇرعىن ۇيلەردىڭ پاتەرلەرىن ساتىپ الۋدى قولدامايدى. بارلىق سۇراقتار بويىنشا استانا قالاسى, سارىارقا اۋدانى, بەيبىتشىلىك ك-ءسى, 9 مەكەنجايى بويىنشا «استانا قالاسىنىڭ قالالىق ورتا ساپاسى جانە باقىلاۋ باسقارماسى» مم-گە حابارلاسۋىڭىزدى سۇرايمىز», دەلىنگەن اكىمدىك حابارلاماسىندا.
ۇلەسكەرلەردىڭ قاراجاتىن ءتيىستى رۇقساتسىز قابىلداۋعا «تۇرعىن ءۇي قۇرىلىسىنا ۇلەستىك قاتىسۋ تۋرالى» قازاقستان رەسپۋبليكاسىنىڭ زاڭناماسىمەن تىيىم سالىنادى. بۇل رەتتە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 320-بابى, سونداي-اق قازاقستان رەسپۋبليكاسى قىلمىستىق كودەكسىنىڭ 214-بابى بويىنشا كاسىپكەرلىك قىزمەتتىڭ تىيىم سالىنعان تۇرلەرىمەن اينالىسقانى ءۇشىن جازا قاراستىرىلعان.