پرەزيدەنت ماڭعىستاۋدىڭ وڭدەۋ ونەركاسىبىن جانە بيزنەس سالاسىن دامىتۋ قاجەتتىگىن ايتتى, دەپ حابارلايدى Egemen.kz.
«بۇل ايماق تاۋەلسىزدىگىمىزدىڭ تۇعىرىن نىعايتۋعا وراسان زور ۇلەس قوستى. مۇندا ەلىمىزدەگى مۇنايدىڭ تورتتەن ءبىرى وندىرىلەدى. مۇناي-گاز سالاسىمەن قاتار وبلىستا ەكونوميكانىڭ وڭدەۋ ونەركاسىبىن دامىتۋعا مول مۇمكىندىك بار. قازىر مەملەكەت الدىندا تۇرعان نەگىزگى مىندەتتىڭ ءبىرى – ۇلتتىق ەكونوميكانى ءىس-جۇزىندە ءارتاراپتاندىرۋ», دەدى قاسىم-جومارت توقاەۆ.
سونداي-اق تەرەڭ وڭدەلگەن دايىن ءونىم شىعاراتىن ءوندىرىس ورىندارىن اشۋ كەرەگىن دە ەسكەرتتى.
«مەن بۇل تۋرالى ۇكىمەت جيىندارىندا, وڭىرلەرگە بارعان كەزدە ۇنەمى ايتىپ ءجۇرمىن. بارلىق اكىمدەر وسى ماسەلەگە باسا نازار اۋدارۋعا ءتيىس. بۇل – ۇكىمەت پەن اكىمدەردىڭ الدىندا تۇرعان ماڭىزدى مىندەت», دەدى ول.