ءبولىپ تولەۋ - تاۋاردىڭ ناقتى باعاسىن سالىستىرۋعا مۇمكىندىك بەرمەيدى, تىپتەن بانك تاراپىنان جىلدىق 50% پروتسەنت قوسىلۋى مۇمكىن. بۇل تۋرالى تالاي جىل بەلگىلى بانكتى باسقارعان عالىم حۋسايىنوۆ ءوزىنىڭ تەلەگرام ارناسىندا جازدى, دەپ حابارلايدى Egemen.kz.
ء«بولىپ تولەۋدىڭ بارلىق ءتۇرى - بۇل بانكتىڭ پايىزدىق كىرىسىنىڭ كولەمى بويىنشا تاۋار قۇنىنىڭ ءوسۋى, جانە ادامدار مۇنداي ءونىمنىڭ ناقتى قانشا تۇراتىنىن تەكسەرە المايدى. ال ءبولىپ تولەمەيتىندەر ءۇشىن باعاسى ءارتۇرلى سىيلىق نە بونۋستار بەرىلەدى. مىسالى, تەلەديدار 100 000 تەڭگە تۇرسا, سورەگە 125 000 تەڭگەگە قويىلادى, 12 ايعا ءبولىپ تولەۋ ۇسىنىلادى. ءىس جۇزىندە بۇل ۋاقىت ۇزاقتىعىن (ينۆەستيتسيالاردىڭ تولىق قايتارىلۋىنا دەيىنگى ۋاقىت كەزەڭى جانە پايىزدىق تاۋەكەل ولشەمى) ەسكەرە وتىرىپ, جىلىنا شامامەن 50% قۇرايدى», دەپ ءتۇسىندىردى.
ايتۋىنشا, كوپ مولشەردە ءبولىپ تولەۋ تاۋاردىڭ قۇنىن پايىزدىق مولشەرلەمەمەن ارتتىرادى جانە بۇل ينفلياتسياعا اسەر ەتەدى.
«سونداي-اق, تاريفتەردى جاساندى تەجەۋ - ءبىر جىلدان كەيىن تاريفتەردى بىردەن ۇلكەن سوماعا كوتەرۋ قاجەتتىگىن تۋدىرادى. ولار ينفلياتسيانى ۇستاپ تۇرۋ ءۇشىن جاسالىپ وتىر, بىراق شىندىعىندا, تاريفتەردى كوتەرۋ ۋاقىتى كەلگەندە, ولار جىل سايىن جيىنتىقتا كوتەرىلگەننەن گورى كوبىرەك پايىزعا كوتەرىلەدى», دەپ تولىقتىردى ساراپشى.
ونىڭ ايتۋىنشا, ينفلياتسيا ءونىمنىڭ تۇتىنۋشىلىق ساپاسىنىڭ جاقسارۋىنا بايلانىستى دا وسە بەرەدى.
«ماسەلەن, تەلەفوندار مەن اۆتوكولىك جىل سايىن الدىڭعى ۇلگىلەرگە قاراعاندا تەحنولوگيالىق جاعىنان جەتىلدىرىلگەن جانە قىمباتىراق. ينفلياتسيانىڭ ءوسۋى حالىقتىڭ ءال-اۋقاتىنىڭ وسۋىنە دە بايلانىستى. حالىق نەعۇرلىم باي بولسا, سوعۇرلىم قىزمەتتەر مەن تۇتىناتىن تاۋارلارى قىمباتتايدى», دەپ قورىتىندىلادى ەكونوميست.