اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ «اۋەجاي اتىراۋ» كەدەن بەكەتىنىڭ قىزمەتكەرلەرى ەكونوميكالىق تەرگەۋ دەپارتامەنتىنىڭ قىزمەتكەرلەرىمەن بىرلەسىپ جولاۋشىنى تەكسەرۋ كەزىندە ودان دەكلاراتسيالانباعان قاراجات تاپتى, دەپ حابارلايدى Egemen.kz.
اتىراۋ-كۋتايسي حالىقارالىق رەيسى جولاۋشىلارىنىڭ قول جۇگىن كەدەندىك تەكسەرۋ كەزىندە RAPISCAN رەنتگەندىك تەلەۆيزيالىق اپپاراتى پايدالانىلعان.
گرۋزياعا ۇشقان قازاقستاندىقتان 60 700 دوللار, 10 000 رەسەي ءرۋبلى جانە 7000 تەڭگە تابىلدى.⠀
قۇقىق بۇزۋشىعا قاتىستى قر اقبتك-ءنىڭ 545-بابى بويىنشا اكىمشىلىك ءىس قوزعالدى.
قازاقستاندا 2022 جىلدىڭ ناۋرىز ايىنىڭ ورتاسىنان باستاپ اكەتۋ كۇنىنە بەلگىلەنگەن 10 000 دوللاردان اساتىن قر ۇلتتىق بانكىنىڭ باعامى بويىنشا ەسەپتەلگەن سومادا قولما-قول شەتەل ۆاليۋتاسىن جانە شەتەل ۆاليۋتاسىنداعى اقشالاي قاراجاتتى اكەتۋگە تىيىم سالىنادى.