قارجى نارىعىن رەتتەۋ جانە دامىتۋ اگەنتتىگى قازاقستانداعى قارجى كومپانيالارىنان IT سالاسىنداعى قىزمەتكەرلەردىڭ كەمىندە 5 پايىزىن سەرتيفيكاتتاۋدى تالاپ ەتەدى, دەپ حابارلايدى Egemen.kz.
«وزگەرىستەر اقپاراتتىق قاۋىپسىزدىك بولىمشەلەرى پەرسونالىنىڭ كەمىندە 5%-ىن مىندەتتى بەيىندىك سەرتيفيكاتتاۋدى قامتاماسىز ەتۋ بولىگىندە قارجى ۇيىمدارىنىڭ اقپاراتتىق قاۋىپسىزدىك بولىمشەلەرى باسشىلارى مەن قىزمەتكەرلەرىنىڭ قۇزىرەتتەرىنە قويىلاتىن تالاپتاردى كۇشەيتۋدى كوزدەيدى», دەپ حابارلادى قر قارجى نارىعىن رەتتەۋ اگەنتتىگى.
اقپاراتقا سايكەس, سەرتيفيكاتتاۋ ISO/IEC 17024:2012 حالىقارالىق ستاندارتىنا نەمەسە ISO/IEC 17024-2014 مەملەكەتارالىق ستاندارتىنا سايكەس جۇزەگە اسىرىلۋى كەرەك. بۇل ستاندارتتاردى پەرسونالدى سەرتيفيكاتتاۋدى جۇزەگە اسىراتىن ۇيىمدار - سەرتيفيكاتتاۋ پروتسەستەرىنىڭ تاۋەلسىزدىگىن, اشىقتىعى مەن سەنىمدىلىگىن راستاۋ ءۇشىن كەڭىنەن قولدانادى.
تولىق ماتىنمەن اگەنتتىكتىڭ ينتەرنەت-پورتالىندا نەمەسە ادىلەت اقپاراتتىق-قۇقىقتىق جۇيەسىندە تانىسۋعا بولادى.