استانا قالاسىندا 5 قاراشا كۇنى جاقسىلىق ۇشكەمپىروۆ اتىنداعى «جەكپە-جەك» سارايىندا قازاق كۇرەسىنەن «دالا قىراندارى» رەسپۋبليكالىق ءتۋرنيرى وتەدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ءتۋرنيردىڭ ماقساتى – 8 سالماق دارەجەسىندە ەلىمىزدىڭ ەڭ ۇزدىك بالۋاندارىن انىقتاۋ.
جىل باسىنان بەرى 5 رەيتينگتىك جارىس وتكەن ەدى. سول جارىستاردىڭ قورىتىندىسى بويىنشا ءار سالماقتىڭ ەڭ جوعارى ۇپاي جيناعان 8 بالۋانى انىقتالدى. ەلوردا تورىندەگى بوز كىلەمدە تەك وسى ۇزدىكتەر عانا بەلدەسەدى.
ءسويتىپ, تۋرنير سوڭىندا تەك 8 سالماقتىڭ جەڭىمپازدارى عانا ماراپاتتالادى. جەڭىستىڭ بيىك تۇعىرىنا كوتەرىلگەندەر «دالا قىرانى» تيتۋلىنىڭ يەگەرى اتانىپ, ءوز سالماعىنىڭ «باس بالۋانى» اتاعىنا يە بولادى.
سول سياقتى ءار سالماقتىڭ جەڭىمپازدارى جەلتوقسان ايىندا ەلوردادا وتەتىن الەم چەمپيوناتىنا جولداما الادى.