پرەمەر-مينيستر ءاليحان سمايىلوۆتىڭ توراعالىعىمەن ەكونوميكانى دەموپوليزاتسيالاۋ جونىندەگى كوميسسيانىڭ كەزەكتى وتىرىسى ءوتتى, دەپ حابارلايدى Egemen.kz Primeminister.kz سايتىنا سىلتەمە جاساپ.
جيىندا كەيبىر اكتيۆتەردى مەملەكەت مەنشىگىنە بەرۋ جانە مۇناي-گاز سالاسىنداعى شارالاردى ىسكە اسىرۋ ماسەلەلەرى قارالدى.
باسەكەلەستىكتى قورعاۋ جانە دامىتۋ اگەنتتىگىنىڭ دەرەكتەرى بويىنشا, الماتى وبلىسىنداعى كوممەرتسيالىق كولىك-لوگيستيكالىق كومپانيالاردىڭ ءبىرى ايرىقشا جاعدايىن پايدالانىپ, 2021 جىلعى ءساۋىر مەن جەلتوقسان ارالىعىندا شامامەن 4,3 ملرد تەڭگەگە مونوپوليالىق تابىس تاپقان. قازىر اتالعان كومپانياعا قاتىستى سوتقا دەيىنگى تەرگەۋ جۇرگىزىلىپ جاتىر.
ايتا كەتسەك, بيىل قازان ايىندا جەكە مەنشىك ۇيىم باسشىلىعى ەنشىلەس جشس-دەگى قاتىسۋ ۇلەسىنىڭ 100%-ىن مەملەكەتكە سىيعا بەرۋ تۋرالى ءوتىنىش تۇسىرگەن.