قازاقستان رەسپۋبليكاسىنىڭ مەملەكەتتىك حاتشىسى ادىلبەك جاقسىبەكوۆتىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ كەزەكتەن تىس وتىرىسى ءوتتى, دەپ حابارلادى پرەزيدەنتتىڭ ءباسپاسوز قىزمەتى.
وتىرىستا «بولاشاق» حالىقارالىق ستيپەندياسىنىڭ يەگەرلەرى ءۇشىن اعىلشىن ءتىلى بويىنشا 12 اي مەرزىم ىشىندە تىلدىك دايارلىقتى ۇيىمداستىرۋ ماسەلەسى قارالدى. بۇل رەتتە ستيپەنديا يەگەرلەرى قازاقستاندا 6 اي جانە «بولاشاق» باعدارلاماسى شەڭبەرىندە شەتەلدىك تىلدىك مەكتەپتە 6 اي دايارلىقتان وتەتىن بولادى.
سونىمەن قاتار, كوميسسيا مۇشەلەرى پرەزيدەنتتىك ستيپەنديا شەڭبەرىندە مۆا باعدارلاماسى بويىنشا ماماندار دايارلاۋعا دەگەن قاجەتتىلىكتى زەردەلەۋ ماسەلەلەرىن تالقىلادى.
كوميسسيا شەشىمىنە سايكەس ادىلەت مينيسترلىگى سوت ساراپتاماسى ورتالىعىنىڭ ءبىر توپ قىزمەتكەرى «بولاشاق» حالىقارالىق ستيپەندياسىنىڭ يەگەرلەرى اتانىپ, ۇلىبريتانيادا تاعىلىمدامادان وتەتىن بولدى.