پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءداستۇرلى بريفينگكە قوستاناي وبلىسى اكىمىنىڭ ورىنباسارى مۇرات دارىباەۆ كەلىپ, ايماقتاعى ينتەگراتسيا ۇدەرىستەرى جايىندا ايتىپ بەردى.
«وتكەن جىلى وبلىستىڭ سىرتقى ساۋدا اينالىمىنىڭ كولەمى 3,7 ميلليارد دوللاردى قۇرادى. رەسپۋبليكا كولەمىندە ايماقتىڭ ينۆەستيتسيالار ۇلەسى 2,8 پايىزدى قۇراسا, بۇل رەتتە سىرتقى ساۋدا بالانسىنىڭ سالدوسى وڭ ناتيجەگە يە. ەكسپورت يمپورتتان 1,6 ەسە اسىپ وتىر», دەدى قوستاناي وبلىسى اكىمىنىڭ ورىنباسارى م.دارىباەۆ.
2013 جىلى كەدەن وداعى ەلدەرىمەن سىرتقى ساۋدا اينالىمى 1,6 ميلليارد اقش دوللارىن قۇراپ, ەل وڭىرلەرى اراسىندا وبلىس التىنشى ورىندى يەلەنگەن. وبلىس اينالىمىندا كەدەن وداعى ەلدەرىنىڭ ۇلەسى 42 پايىز بولعان. ايماقتىڭ كو ەلدەرىمەن تاۋار اينالىمى قۇرىلىمىندا ەكسپورتتىق جەتكىزۋلەر 63 پايىزدى السا, يمپورتتىق وپەراتسيالار – 37 پايىز.
كەدەن وداعى ەلدەرىنە ەكسپورتتىڭ نەگىزگى باپتارى تەمىر كەنى ءونىمى مەن بيداي بولىپ تابىلادى. جابدىقتار, كولىك قۇرالدارى, شينالار, تۇرمىستىق تەحنيكالار, ءدارى-دارمەكتەر, جيھازدار مەن حالىق تۇتىناتىن وزگە دە تاۋارلار يمپورتتالادى. كو ەلدەرى شەگىندە بىلتىر وبلىستىڭ رەسەي فەدەراتسياسىمەن سىرتقى ساۋدا اينالىمى 1,5 ميلليارد اقش دوللارىن قۇراعان.
2013 جىلى «ەۋرازكاسپيانستال» جشس قوستاناي قالاسىندا ۇساق سورتتى قۇرىلىس بۇيىمدارىن شىعارۋ زاۋىتى رەسەي ينۆەستيتسياسىن تارتۋ ەسەبىنەن ىسكە قوسىلعان. «اگروماش حولدينگ» «ESSIL كزس-760» استىق جانە «كسك-600-03» جەمشوپ جينايتىن كومبايندارى اۋىلشارۋاشىلىق تەحنيكالارىن قۇراستىرۋ بويىنشا «گومسەلماش» بەلارۋستىك كاسىپورنىمەن بىرلەسىپ شىعارۋ جونىندەگى ءماسەلەلەردى قاراستىرۋدا. قازىرگى تاڭدا بك قۇرۋ بويىنشا رەسمي قۇجاتتاردى رەسىمدەۋ ءجۇرگىزىلۋدە. سونداي-اق, جابدىقتار جەتكىزۋ تۋرالى كەلىسسوزدەر جۇرگىزۋ دە نازاردا تۇر.
ءابدىراحمان قىدىربەك,
«ەگەمەن قازاقستان».