ماڭعىستاۋ وبلىسىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى 28 قازان كۇنى ساعات 17:15 شاماسىندا سينتەتيكالىق ەسىرتكى زاتتارىن ساقتاعان ەكى ادامدى ۇستادى, دەپ حابارلايدى Egemen.kz.
قالانىڭ ونەركاسىپتىك ايماعىندا 19 جاستاعى قىز بەن 21 جاستاعى جىگىت ۇستالدى.
جەكە ءتىنتۋ بارىسىندا ەكەۋىنەن دە «مەفەدرون» جانە «جىلدامدىق» سينتەتيكالىق ەسىرتكى زاتتارى بار 49 بايلام تاركىلەندى.
ۇستالعان ازاماتتاردىڭ ءۇيىن تەكسەرۋ كەزىندە تاعى 4 پاكەت سينتەتيكالىق ەسىرتكى تابىلدى. الىنعان زاتتاردىڭ جالپى سالماعى ەكى كيلوگرامدى قۇرادى.
اتالعان فاكت قر قك 297-بابى 1-بولىگى بويىنشا تىركەلدى.