ماسكەۋدەگى قازاقستان ەلشىلىگىندە «الاش» پارتياسى كوشباسشىلارىنىڭ ءبىرى, قازاقتىڭ كورنەكتى قوعام جانە مەملەكەت قايراتكەرىنىڭ ءومىرى مەن قىزمەتى تۋرالى جازىلعان «اليحان بۋكەيحانوۆ. چەلوۆەك-ەپوحا» ء(اليحان بوكەيحانوۆ. اڭىز ادام) كىتابىنىڭ تۇساۋكەسەرى ءوتتى, دەپ حابارلايدى Egemen.kz.
كىتاپ اۆتورى - رەسەيلىك عالىم, تاريح عىلىمدارىنىڭ دوكتورى, پروفەسسور ۆيكتور كوزودوي.
اۆتور ءوز ەڭبەگىندە دەرەككوزدەردى, ماتەريالدار مەن فاكتىلەردى, سونىڭ ىشىندە بۇرىن عىلىمي اينالىمدا پايدالانىلماعان مۇراعات قۇجاتتارىن, ەستەلىكتەردى, سول جىلدارداعى گازەت-جۋرنال بەتتەرىندەگى جاريالانىمداردى پايدالانعان.
بۇعان دەيىن كىتاپتىڭ تۇساۋكەسەرى قازاقستاننىڭ بەس قالاسىندا (استانا, الماتى, پاۆلودار, سەمەي, قاراعاندى) ءساتتى وتكەن بولاتىن. ەندى رەسەيلىك عالىمدار مەن ساراپشىلاردىڭ قاتىسۋىمەن ماسكەۋ قالاسىندا ءوتتى.
جيىندى اشقان قازاقستاننىڭ رەسەيدەگى ەلشىسى ەرمەك كوشەرباەۆ بۇل كىتاپ قازاقستاننىڭ تاۋەلسىزدىگىن بولجاعان تاريحي وقيعالاردى زەرتتەۋگە ەلەۋلى ۇلەس قوستى دەپ ەسەپتەيدى.
شارا بارىسىندا ەرمەك كوشەرباەۆ ۆيكتور كوزودويعا 2-دارەجەلى «دوستىق» وردەنىن جانە قازاقستان رەسپۋبليكاسى پرەزيدەنتىنىڭ العىس حاتىن تابىس ەتتى.
ءوز كەزەگىندە عالىم قازاقستان باسشىلىعىنا جوعارى ماراپاتى ءۇشىن العىس ايتىپ, كىتاپتى ەكى ەل حالىقتارى اراسىنداعى دوستىقتى نىعايتۋعا قوسقان ۇلەسى ەكەنىن جەتكىزدى. ونىڭ پىكىرىنشە, ءاليحان بوكەيحانوۆتى قازاقستاننىڭ عانا ەمەس, رەسەيدىڭ دە تاريحي قايراتكەرى دەپ ساناۋعا بولادى, ويتكەنى ول مەملەكەتتىك دۋماعا سايلاندى, بۇكىلرەسەيلىك ۇيىمداردىڭ جۇمىسىنا جانە بۇكىلرەسەيلىك ماسەلەلەردى شەشۋگە قاتىستى.
ءسوز سوڭىندا ۆيكتور كوزودوي كىتاپتىڭ قازاق تىلىنە اۋدارىلعانىن ايتىپ, جاقىن ارادا جارىق كورەتىنىن حابارلادى.