قازاقستان پرەمەر-ءمينيسترى ءاليحان سمايىلوۆ وزبەكستان پرەمەر-ءمينيسترىنىڭ ورىنباسارى جامشيد حودجاەۆپەن جانە جۋرابەك مىرزاماحمۋدوۆپەن ساۋدا-ەكونوميكالىق ىنتىماقتاستىقتى نىعايتۋ ماسەلەلەرىن تالقىلادى, دەپ حابارلايدى Egemen.kz ۇكىمەتتىڭ رەسمي پاراقشاسىنا سىلتەمە جاساپ.
كەزدەسۋ بارىسىندا ءاليحان سمايىلوۆ وزبەكستان قازاقستاننىڭ ورتالىق ازيا وڭىرىندەگى نەگىزگى ساۋدا-ەكونوميكالىق ارىپتەسى ەكەنىن اتاپ ءوتتى. وتكەن جىلدىڭ قورىتىندىسى بويىنشا ەكىجاقتى تاۋار اينالىمى شامامەن 33%-عا وسكەن. بيىل دا وڭ ديناميكا كورسەتىپ وتىرعانىن جەتكىزدى.
سونداي-اق پرەمەر-مينيستر مەملەكەتتەر اراسىنداعى ەكونوميكالىق ىنتىماقتاستىقتى نىعايتۋعا قازاقستان-وزبەكستان ۇكىمەتارالىق كوميسسياسى مەن وڭىرارالىق ىنتىماقتاستىق فورۋمى ەلەۋلى ۇلەس قوسىپ وتىرعانىن ايتتى.
«كووپەراتسيا قارقىنىن ارتتىرۋىمىز كەرەك. ەگەر ستراتەگيالىق كووپەراتسيالىق جوبالارىمىز كوپ بولسا, بۇل بيزنەستى دامىتۋعا جانە ساۋداداعى كەدەرگىلەردى جويۋعا سەرپىن بەرەدى. جالپى, ءوزارا تاۋار اينالىمىن ۇلعايتۋ باعىتىندا جۇمىس ىستەۋگە دايىنبىز», دەدى جامشيد حودجاەۆ.