2022 جىلدىڭ توعىز ايىندا ءىجو ءوسىمى 2,8%-دى قۇرادى. بۇل تۋرالى ۇلتتىق بانك توراعاسى عالىمجان ءپىرماتوۆ ءباسپاسوز ءماسليحاتىندا مالىمدەدى, دەپ حابارلايدى Egemen.kz.
ونىڭ ايتۋىنشا, بۇل كورسەتكىش بولجامدارعا سايكەس كەلەدى.
«ىسكەرلىك بەلسەندىلىكتىڭ باياۋلاۋى نەگىزىنەن تاۋ-كەن ونەركاسىبىندەگى ءالسىز ديناميكا ەسەبىنەن جۇرەدى. بۇل ەلىمىزدىڭ نەگىزگى كەن ورىندارىندا جوندەۋ جانە قاشاعان زاۋىتىنداعى اپاتقا بايلانىستى. وڭدەۋ ونەركاسىبى, ساۋدا, اقپارات جانە بايلانىس, كولىك جانە اۋىل شارۋاشىلىعى وڭ ۇلەس قوسۋدا», دەپ ءتۇسىندىردى عالىمجان ءپىرماتوۆ.
سونىمەن قاتار ول ەكونوميكانىڭ دامۋ ديناميكاسىنىڭ بولجامداردان اۋىتقۋىنىڭ ايقىن تەندەنتسياسى بايقالمايتىنىن اتاپ ءوتتى.
ء«ىجو ءوسىمى قالىپتاسقان باعا كونيۋنكتۋراسى جانە جىل سوڭىنا قاراي مۇناي ءوندىرىسىنىڭ ءوسۋ قارقىنىن قالپىنا كەلتىرۋ اياسىندا ىشكى سۇرانىس پەن ناقتى ەكسپورتتىڭ وڭ تراەكتورياسىمەن قامتاماسىز ەتىلەدى. بۇل رەتتە قازاقستان ەكونوميكاسىنىڭ تۇراقتى دامۋى ءۇشىن تاۋەكەلدەر ءوسىپ كەلە جاتقان ينفلياتسيالىق پروتسەستەر جازىقتىعىندا جاتىر», دەپ تولىقتىردى ع.ءپىرماتوۆ.