پاۆلودار وبلىسىنىڭ بالاباقشالارىنىڭ بىرىندە بالاعا دەنە جاراقاتىن كەلتىرۋ فاكتىسى بويىنشا تەكسەرۋ باستالدى, دەپ حابارلايدى Egemen.kz.
21 قازان كۇنى اقسۋ قالاسىنىڭ پوليتسياسىنا كامەلەتكە تولماعانداردىڭ زاڭدى وكىلدەرىنەن بالالارعا دەنە جاراقاتىن كەلتىرگەن №12 بالاباقشانىڭ تاربيەشىسىنە قاتىستى شارا قابىلداۋ تۋرالى ۇجىمدىق ءوتىنىش كەلىپ ءتۇستى.
«وسى ءوتىنىش بويىنشا پوليتسيا تەكسەرۋدى باستادى. بەينەجازبالار الىندى. قاراۋ كەزىندە بالاباقشا قىزمەتكەرى كامەلەتكە تولماعانداردى ۇرىپ-سوققانى انىقتالدى. اتالمىش فاكتى بويىنشا سوت-مەديتسينالىق ساراپتاماسى تاعايىندالدى. 44 جاستاعى تاربيەشىگە قاتىستى قر قك-ءنىڭ 110-بابى بويىنشا سوتقا دەيىنگى تەرگەۋ باستالدى», دەپ جازىلعان پاۆلودار وبلىسى پد ءباسپاسوز قىزمەتى تاراتقان حابارلامادا.
سونداي-اق تەكسەرۋ ناتيجەلەرى مەكتەپكە دەيىنگى مەكەمەنىڭ باسشىسىنا قاتىستى تارتىپتىك شارا قابىلداۋ ءۇشىن وبلىستىق ءبىلىم باسقارماسىنا جىبەرىلەتىن بولادى.