پرەزيدەنتتىڭ قاتىسۋىمەن مەملەكەتتىك ناگرادالار مەن سىيلىقتار تاپسىرۋعا ارنالعان سالتاناتتى ءراسىم باستالدى. ءىس-شارا بارىسىندا قاسىم-جومارت توقاەۆ رەسپۋبليكا كۇنىمەن قۇتتىقتادى, دەپ حابارلايدى Egemen.kz.
«بارشاڭىزدى ەلىمىزدەگى ەڭ ۇلىق مەرەكە – رەسپۋبليكا كۇنىمەن قۇتتىقتايمىن! بۇل – قازاقتىڭ سان عاسىرلىق مەملەكەتتىلىك ءداستۇرى جاڭعىرعان كۇن. بۇل – بوستاندىق ءۇشىن كۇرەسكەن بابالار ارمانى اقيقاتقا اينالعان كۇن. 1990 جىلى 25 قازاندا قازاقستاننىڭ ەگەمەندىگى تۋرالى دەكلاراتسيا قابىلداندى. بۇل قۇجات تاۋەلسىزدىگىمىزدىڭ ساياسي-قۇقىقتىق نەگىزىن قالىپتاستىردى. ءبىر سوزبەن ايتساق, دەكلاراتسيا – ەلىمىزدىڭ تاۋەلسىزدىك الۋىنا جول اشقان اقجولتاي قۇجات», دەدى مەملەكەت باسشىسى.