الماتى وبلىسىنىڭ پوليتسيا دەپارتامەنتىندەگىلەر 20 قازان ساعات 9:50 شاماسىندا Mercedes اۆتوكولىگىنىڭ 20 جاستاعى جۇرگىزۋشىسى ەكى جاياۋ جۇرگىنشىنى قاعىپ كەتكەنىن حابارلادى, دەپ جازادى Egemen.kz.
جۇرگىزۋشى «الماتى-الاتاۋ» تاس جولىمەن باتىس باعىتتا كەلە جاتقان. تۇزدىباستاۋ اۋىلىنىڭ ماڭىندا الدىنداعى اۆتوكولىكتى باسىپ وزۋ مانەۆرىن جاساۋ كەزىندە رولگە يە بولا الماي, جول جيەگىندە تۇرعان 28 جاستاعى ايەل مەن ونىڭ قىزىن قاعىپ كەتكەن.
جول-كولىك وقيعاسى سالدارىنان الماتى قالاسىنىڭ 28 جاستاعى تۇرعىنى مەن ونىڭ قىزى وقيعا ورنىندا قايتىس بولدى.
«جۇرگىزۋشىگە قاتىستى قر قك 345-بابى 4-بولىگى بويىنشا سوتقا دەيىنگى تەرگەپ-تەكسەرۋ باستالدى. قازىر جۇرگىزۋشى ۇستالىپ, تالعار اۋدانى پب ۋۇي-عا قاماۋعا الىندى. قىلمىستىق ءىستى تەرگەۋ بارىسى مەن ناتيجەلەرى پوليتسيا دەپارتامەنتى باسشىلىعىنىڭ باقىلاۋىنا الىندى», دەپ جازىلعان ءىىم جاڭالىقتار سايتىندا.