جاستار كارتينگ سپورتىنان جارىستى

«Sport Villa» ويىن-ساۋىق كەشەنىندە وتكەن تۋرنيرگە جوعارى وقۋ ورىندارىنان 35 وكىل قاتىستى.

جاستار رەسۋرستىق ورتالىعىنىڭ ءبولىم باسشىسى ۇلجان تولەننىڭ ايتۋىنشا, جارىستى ۇيىمداستىرۋداعى ماقسات – ستۋدەنت جاستاردىڭ ساباقتان تىس ۋاقىتىن ءتيىمدى پايدالانۋ, سپورتپەن شۇعىلدانۋعا جول اشۋ, ولاردىڭ ەرىك-جىگەرى مەن تاباندىلىعىن قالىپتاستىرىپ, سپورت سالاسىن جاستار اراسىندا كەڭىنەن ناسيحاتتاۋ.

– قازىرگى كەزدە ستۋدەنتتەردىڭ ساباقتان تىس ۋاقىتتا سپورتپەن اينالىسۋعا مۇمكىندىگى بولماي جاتاتىنىن اڭعاردىق. وسىعان بايلانىستى ولاردى سپورتقا تارتىپ, ۋاقىتىن ءتيىمدى پايدالانۋ ماقساتىندا كوپتەگەن سپورت ءتۇرىن ۇيىمداستىرۋدامىز. سونىڭ ءبىرى – بۇگىنگى «Jas Team Kart» جوباسى اياسىندا وتكەن كارتينگ سپورتتىق جارىسى. اتالعان جوبا جاستاردىڭ كوڭىل كۇيىن كوتەرىپ قانا قويماي, دەنساۋلىعىن دا نىعايتاتىنى انىق. وسىنداي ويىنعا دەمەۋشىلىك كورسەتكەن «Sport Villa» ويىن-ساۋىق كەشەنى مەن «Rafe» مەيرامحانانىڭ باسشىسىنا ءوز العى­سىمىزدى بىلدىرەمىز, – دەدى ول.

تارتىستى وتكەن كارتينگ سپورت جارىسىندا 7 كوماندا ءوزارا سايىسقا ءتۇستى. ويىننىڭ شارتى بويىنشا قاتىسۋشىلار 3 اينالىمدى ەڭسەرىپ, 5 مينۋتتا مارەگە جەتۋى كەرەك.

– بۇگىنگى كارتينگ سپورت جارىسىنا وقمپۋ ستۋدەنتتەرىنىڭ اراسىنان كوماندا جاساقتاپ كەلگەن بولاتىنبىز. وسىنداي كەرەمەت جارىسقا ءبىرىنشى رەت قاتىسىپ, سايىسقا تۇستىك. ويىن بارىسىندا جاڭا دوس­تار تاۋىپ, سپورت سالاسىنا ءوز ۇلەسىمىزدى قوستىق دەپ ويلايمىن. تارتىستى ويىنعا قاتىسۋىمىزعا مۇمكىندىك بەرگەن جاستار رەسۋرستىق ورتالىعىنا ستۋدەنتتەردىڭ اتىنان العىس ايتامىن, – دەدى وقمپۋ ستۋدەنتى باقبەرگەن مۇرات ۇلى.

جارىس جولىندا جۇلدەگە تالاسىپ, ناعىز ويىن كورسەتكەن شەبەرلەر قالالىق جاستار رەسۋرستىق ورتالىعىنىڭ باسشىسى م.يساحوۆتىڭ ارنايى ديپلومىمەن جانە كۋبوكتەرىمەن ماراپاتتالسا, قالعان قا­تى­سۋ­شىلارعا العىسحاتتار تاپسىرىلدى. ۇيىمداستىرۋشىلاردىڭ ايتۋىنشا, سپورت­تىق ءىس-شارالار مۇنىمەن توقتاپ قال­مايدى. الداعى ۋاقىتتا ءالى كوپتەگەن ويىن ءتۇرىن وتكىزۋ جوسپارلانىپ وتىر.

ايتا كەتۋ كەرەك, بۇل جارىستا ءبىرىنشى بولىپ مارەگە وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىنىڭ ستۋدەنتتەرى جەتتى. ەكىنشى ورىندى م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ جاس­تارى يەلەندى. ال ءۇشىنشى ورىنعا جۇمابەك تاشەنوۆ اتىنداعى ۋنيۆەرسيتەت تۇلەكتەرى جايعاستى.

شىمكەنت