استانا قالاسىندا ىسكەر ايەلدەر قاۋىمداستىعى پرەزيدەنت جولداۋىن تالقىلادى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ء«بىز ىسكەر ايەلدەر قاۋىمداستىعى باس قوسىپ, پرەزيدەنت جولداۋىن تالقىلادىق. ەل بولامىن دەسەڭ بەسىگىڭدى تۇزە دەيدى. بۇكىل قازاقستان بويىنشا 800 مىڭ بالاعا مەكتەپتەر سالۋ, 32 جاڭا اۋرۋحانا سالۋ, ايەلدەردىڭ بالا كۇتىمى بويىنشا دەمالىسىن 1,5 جىلعا سوزۋ سەكىلدى وزەكتى باستامالاردى تالقىلادىق», دەدى قازاقستان ايەلدەرى كۇشتەرىنىڭ اليانسى ءتورايىمىنىڭ ورىنباسارى بايان تاۋكەباەۆا.
جيىن بارىسىندا جۋرناليست, استانا قالاسى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ مۇشەسى ايگۇل مۇكەي جولداۋدا ايتىلعان ماڭىزدى باستامالارعا توقتالىپ ءوتتى.
«اتاۋلى الەۋمەتتىك كومەك, سول سياقتى الەۋمەتتىك كومەك تۇرلەرى, دەنساۋلىق ساقتاۋ, انا مەن بالانىڭ دەنساۋلىعى, بالالار كاپيتالى. مۇنىڭ ءبارى بۇگىنگى قوعامنىڭ ءتيىستى دەڭگەيدە ءومىر ءسۇرۋى ءۇشىن جاسالعان», دەدى ا. مۇكەي.