سۋ رەسۋرستارى كوميتەتى «قازاقستان رەسپۋبليكاسى ۇكىمەتىنىڭ رەزەرۆىنەن قاراجات ءبولۋ تۋرالى» قاۋلى جوباسىن دايىندادى, دەپ حابارلايدى Egemen.kz.
قاۋلىعا سايكەس, ەكولوگيا, گەولوگيا جانە تابيعي رەسۋرستار مينيسترلىگىنە 2022 جىلعا ارنالعان رەسپۋبليكالىق بيۋدجەتتە كوزدەلگەن قازاقستان رەسپۋبليكاسى ۇكىمەتىنىڭ رەزەرۆىنەن شۇعىل شىعىندارعا 1 ميلليارد 536 ميلليون 619 مىڭ 913 تەڭگە كولەمىندە قاراجات بولىنەدى. بۇل تۇركىستان وبلىسى جەتىساي مەن ماقتاارال اۋداندارىنىڭ اۋىل شارۋاشىلىعى تاۋارلارىن وندىرۋشىلەرىنە بەرىلگەن 608 ملن 32 مىڭ 980 كيلوۆاتت-ساعات كولەمىندە بەرىلگەن سۋ ۇشىن قىرعىزستانعا تولەنەتىن اقى.
بەلگىلى بولعانداي, بۇل شەشىم سۋارمالى جەرلەردى ۋاقىتىلى سۋمەن قامتاماسىز ەتۋگە, تۇركىستان وبلىسىنىڭ جەتىساي جانە ماقتاارال اۋداندارىنىڭ اۋىل شارۋاشىلىعى تاۋار وندىرۋشىلەرىنىڭ ونىمدەرىن ساقتاۋعا, ولاردىڭ باسەكەگە قابىلەتتىلىگىن ارتتىرۋعا جانە وڭىردەگى الەۋمەتتىك شيەلەنىستىڭ الدىن الۋعا مۇمكىندىك بەردى.
قۇجات 3 قاراشاعا دەيىن قوعامدىق تالقىلاۋ ءۇشىن Open نقا-gov ۆەب-سايتىندا ورنالاستىرىلعان.