اتىراۋدا ءبىر وتباسىنىڭ التى ادامى, ونىڭ ىشىندە ءتورت بالا گازدان ۋلانىپ, 90 جاستاعى اجە قايتىس بولدى. بۇل تۋرالى تجد قالالىق دەپارتامەنتى باسشىسىنىڭ ورىنباسارى ماگومەد احريەۆ ايتتى, دەپ حابارلايدى Egemen.kz.
«توتەنشە جاعدايلار دەپارتامەنتىنىڭ كەزەكشى قىزمەتىنە جەدەل جاردەم ستانتسياسىنان قوڭىراۋ ءتۇستى. دارىگەرلەر اتىراۋ قالاسىنىڭ اۋرۋحانالارىنا تابيعي گازدان ۋلانعان التى ادامنىڭ تۇسكەنىن حابارلادى. ءۇش بالا مەن ءبىر ءجاسوسپىرىم بالالار اۋرۋحاناسىنا, ەكى ەرەسەك وبلىستىق ەمحاناعا جەتكىزىلدى. 90 جاستاعى اجە گازدان ۋلانىپ قايتىس بولدى, ونى قۇتقارۋ مۇمكىن بولمادى. مەديتسينالىق كومەك كورسەتىلگەننەن كەيىن زارداپ شەككەندەر وزدەرىن جاقسى سەزىندى», دەدى ماگومەد احريەۆ.
ۋلانۋعا سەبەپ, گازدىڭ جانۋ ونىمدەرى سىرتقا اعىزىلاتىن گاز قازاندىعىنىڭ قۇبىرى توت پەن قوقىسقا تولىپ قالعان. ناتيجەسىندە گاز بولمەلەرگە تاراي باستاعان.
«توعىز ايدىڭ ىشىندە وبلىستا تابيعي گازدان ۋلانۋدىڭ توعىز جاعدايى تىركەلدى. وتكەن جىلى ءدال وسى مەرزىمدە جەتى وقيعا تىركەلگەن ەدى», دەدى ماگومەد احريەۆ.