بۇگىنگى ۇكىمەت وتىرىسىندا تۇرمىستىق زورلىق-زومبىلىق ماسەلەسىن كەشەندى تۇردە شەشۋ قاجەتتىگى ايتىلدى, دەپ حابارلايدى Egemen.kz.
اتالعان ماسەلە بويىنشا بارلىق قادام مەن جاڭا تاسىلدەر الدىمەن قوعامنىڭ تالقىسىنان وتەدى.
وسى رەتتە قوعامدا وتباسىلىق-تۇرمىستىق زورلىق-زومبىلىققا توزبەۋ اتموسفەراسىن قالىپتاستىرۋ ءۇشىن الەۋمەتتىك جەلىلەر مەن بۇقارالىق اقپارات قۇرالدارىنىڭ مۇمكىندىكتەرى كەڭىنەن پايدالانۋدى قاجەت ەتەدى.
«زورلىق-زومبىلىقتان زارداپ شەككەن ادامداردى وڭالتۋ ماسەلەسىنە كوڭىل ءبولۋ كەرەك. ولارعا تەك مەديتسينالىق قانا ەمەس, بىلىكتى مامانداردىڭ پسيحولوگيالىق, قۇقىقتىق كومەگى دە قاجەت. وڭىرلەردە داعدارىس ورتالىقتارى مەن ۋاقىتشا بەيىمدەۋ مەكەمەلەرى جەتىسپەيدى», دەپ اتاپ ءوتتى ءاليحان سمايىلوۆ.
پرەمەر-مينيستر وسى ماقساتتا بىرقاتار ۆەدومستۆو باسشىلارىنا تاپسىرما بەردى.
1.اقپارات مينيسترلىگى تۇرمىستىق زورلىق-زومبىلىققا توزبەۋ جانە وتباسىلىق قۇندىلىقتاردى دارىپتەۋ بويىنشا اقپاراتتىق ناۋقان جۇرگىزۋى قاجەت. وقۋ-اعارتۋ مينيسترلىگى بالالاردىڭ بويىنا وتباسىنا قۇرمەت جانە ۇيدەگى ءتارتىپ ەرەجەلەرىن ءسىڭىرۋ ءۇشىن «مەكتەپ ساعاتىن» ويلاستىرۋى ءتيىس.
2.ءوڭىر اكىمدىكتەرى تۇرمىستىق زورلىق-زومبىلىق قۇرباندارىنا ارنالعان داعدارىس جانە ۋاقىتشا بەيىمدەۋ ورتالىقتارىن, ماجبۇرلەپ ەمدەۋگە ارنالعان ناركولوگيالىق مەكەمەلەر جەلىسىن كەڭەيتۋ شارالارىن قابىلداۋى ءتيىس.
3.ەڭبەك مينيسترلىگى شىن مانىندە مەملەكەتتىڭ كومەگىنە مۇقتاج, تۇرمىسى ناشار وتباسىلاردى مەديتسينالىق-الەۋمەتتىك ەسەپكە الۋدىڭ ۇلگىلىك قاعيدالارىن ازىرلەۋى كەرەك.
4.دەنساۋلىق ساقتاۋ مينيسترلىگى اكىمدىكتەرمەن بىرلەسىپ ماجبۇرلەپ ەمدەۋگە جىبەرۋ راسىمدەرىن جەڭىلدەتۋى ءتيىس.