اتىراۋدا ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جەدەل-ىزدەستىرۋ ءىس- شارالارىن وتكىزدى, ناتيجەسىندە ەكى جەرگىلىكتى تۇرعىن - اكەسى مەن بالاسى ۇستالدى. ولاردان 300 كەلىگە جۋىق بەكىرە بالىعى تاركىلەندى, دەپ حابارلايدى Egemen.kz.
كۇدىكتىلەردىڭ ءبىرىنىڭ ءۇيىنىڭ جانىنداعى نيۆا اۆتوكولىگىن, سونداي-اق گاراجداعى بالىقتى ساقتاۋ ورنىن ءتىنتۋ كەزىندە شامامەن 300 كگ بەكىرە بالىعى تاركىلەندى.
اكەسى مەن بالاسى زاڭسىز اۋلانعان بالىقتى ساتۋدى جوسپارلاعانى انىقتالدى.
قىلمىستىق ءىس «سيرەك كەزدەسەتىن جانە قۇرىپ كەتۋ قاۋپى تونگەن, سونداي-اق پايدالانۋعا تىيىم سالىنعان وسىمدىكتەر نەمەسە جانۋارلار تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز قارىم-قاتىناس» قر قك 339-بابى بويىنشا تىركەلدى, ونىڭ شەڭبەرىندە قاجەتتى ساراپتامالار تاعايىندالدى.
«سوتقا دەيىنگى تەرگەۋ جۇرگىزىلۋدە, قىلمىستىڭ بارلىق ءمان-جايلارى انىقتالۋدا. ۇستالعاندار قامالدى», دەلىنگەن حابارلامادا.