باتىس قازاقستان وبلىسىندا 15 جاستاعى بالاعا وق ءتيىپ, جاراقات الدى, دەپ حابارلايدى Egemen.kz.
وقيعا بوكەي ورداسى اۋدانىنىڭ حان ورداسى اۋىلىندا بولعان. دەنساۋلىق ساقتاۋ باسقارماسىنىڭ ءباسپاسوز قىزمەتى حابارلاعانداي, جاسوسپىرىمگە ءىشتىڭ الدىڭعى قابىرعاسىنان وق جاراقاتى دياگنوزى قويىلعان.
«جالپى جاعداي تۇراقتى اۋىر. ساناۆياتسيا جاراقات العان بالانى بالالار رەانيماتولوگىنىڭ سۇيەمەلدەۋىمەن وبلىستىق ورتالىققا تاسىمالدادى. قازىر ول وبلىستىق كوپبەيىندى بالالار اۋرۋحاناسىندا جاتىر», دەپ حابارلادى ۆەدومستۆونىڭ ءباسپاسوز قىزمەتى.
وقيعانىڭ ەگجەي-تەگجەيى ءالى بەلگىسىز.