قازاقستاننان حالىقارالىق باعىتقا جونەلتىلەتىن تاسىمال كولەمى ءبىر جىل ىشىندە 3 ەسەگە ارتقان. ATI.SU ستاتيستيكاسى بويىنشا, اۆتوموبيل جۇك تاسىمالى سىرتقى باعىتتا دا, قازاقستاننىڭ ءوز ىشىندە دە كوبەيدى.
رەسەي مەن تمد-داعى كولىكتىك لوگيستيكاعا ارنالعان سەرۆيستەردىڭ ءىرى ەكوجۇيەسى – ATI.SU باعالاۋى بويىنشا قازاقستان ترانزيتتىك الەۋەتىن تابىستى دامىتۋدا جانە جاھاندىق لوگيستيكالىق شەكتەۋلەر جاعدايىندا ورتالىق ازياداعى ترانسپورتتىق حاب ءرولىن ءساتتى اتقارىپ جاتىر.
«2022 جىلدىڭ ءۇشىنشى توقسانىنىڭ قورىتىندىسى بويىنشا ەل تەرريتورياسى بويىنشا جۇكتەردى جەتكىزىپ بەرۋگە قاتىستى ءوتىنىم سانى ەكىنشى توقسانمەن سالىستىرعاندا 20 پايىزعا, ال جىلدىق ماندە 2 ەسەگە ءوستى. وسىلايشا, سۇرانىستىڭ ءوسۋى قازاقستاندا رەسەي جانە بەلارۋس كومپانيالارىنىڭ رەلوكاتسياسىنا اسەر ەتىپ, سايكەسىنشە باسەكەنىڭ ارتۋىنا كەرى ىقپال ەتەتىن نارىقتاعى جاعىمسىز فاكتورلاردىڭ كوزىن جويدى. قازىر جۇك تاسىمالىنا دەگەن سۇرانىس ۇسىنىستىڭ الدىن وراپ تۇر. بۇل جۇك يەلەرىن اشىق تسيفرلىق پلاتفورمالاردا ورىنداۋشىلاردى ىزدەۋگە جانە سەنىمدى تاسىمالداۋشىلار پۋلىن كەڭەيتۋگە يتەرمەلەيدى», دەلىنگەن حابارلامادا.
سونداي-اق قازاقستاننان باسقا ەلدەرگە تاسىمال جاساۋ بويىنشا وتىنىمدەر سانى دا ەكىنشى توقسانمەن سالىستىرعاندا 29 پايىزعا, ال جىلدىق ماندە ءۇش ەسەگە ارتقان. رەسەي, وزبەكستان, قىرعىزستان, ازەربايجان ەلدەرىنە جانە بىرقاتار الىس باعىتتارعا جۇك تاسىمالى كوبەيگەن.
«رەسەيلىك جانە بەلارۋستىق تاسىمالداۋشىلاردىڭ ەۋروپادا جۇمىس ىستەۋ مۇمكىندىگىنىڭ شەكتەلۋى دە ەكسپورتتىق تاسىمالدىڭ وسۋىنە اسەر ەتىپ تۇر. ناتيجەسىندە, كەيبىر قازاقستاندىق تاپسىرىس بەرۋشىلەر وسى ەلدەردىڭ تۇراقتى سەرىكتەستەرىمەن جۇمىس ىستەۋدىڭ ورنىنا بيرجادا وتىنىمدەر ورنالاستىرادى جانە جەرگىلىكتى تاسىمالداۋشىلار اراسىندا جاڭا سەرىكتەستەر تابادى», دەيدى ATI.SU جۇك تاسىمالى بيرجاسى قازاقستاندىق وكىلدىگىنىڭ ديرەكتورى رەنات زوبوۆ.
يمپورتتىق تاسىمالداۋعا قاتىستى ءوتىنىم ەكىنشى توقسانمەن سالىستىرعاندا 4 پايىزعا, جىلدىق ماندە 6 پايىزعا عانا وسكەن.