قازاقستان ورتالىق ازيا مەملەكەتتەرىمەن جانە رەسەيمەن ۋنيۆەرسيتەتارالىق ىنتىماقتاستىقتى كۇشەيتتى. بۇل تۋرالى مەملەكەت باسشىسى قاسىم-جومارت توقاەۆ ايتتى, دەپ حابارلايدى Egemen.kz.
قاسىم-جومارت توقاەۆ اتاپ وتكەندەي, سوڭعى جىلدارى قازاقستان ورتالىق ازيا مەملەكەتتەرىمەن جانە رەسەيمەن ۋنيۆەرسيتەتارالىق ىنتىماقتاستىقتى كۇشەيتتى.
«رەسەي فەدەراتسياسىمەن ۋنيۆەرسيتەتارالىق ىنتىماقتاستىقتىڭ جاڭا ساپالى دەڭگەيىن اتاپ وتكىم كەلەدى. قازاقستاندىق ستۋدەنتتەر رەسەيدىڭ ەكى جەتەكشى جوعارى وقۋ ورىندارىندا (ميفي جانە ي.م. گۋبكين اتىنداعى رەسەي مەملەكەتتىك مۇناي جانە گاز ۋنيۆەرسيتەتى) ءبىلىم الا الادى. باسەكەلەستىك ورتا ءبىزدىڭ ەلدەردەگى جوعارى ءبىلىم ساپاسىن ارتتىرۋعا ىقپال ەتەتىنىنە سەنىمدىمىن», دەدى قازاقستان پرەزيدەنتى ورتالىق ازيا-رەسەي ءسامميتى بارىسىندا.
قاسىم-جومارت توقاەۆ ءبىلىم سالاسىنداعى ارىپتەستىكتى ودان ءارى تەرەڭدەتۋ ماقساتىندا قازاقستان مەن رەسەي ۋنيۆەرسيتەتتەرى رەكتورلارىنىڭ تۇراقتى فورۋمدارىن وتكىزۋ باستاماسىن قۇپتايتىنىن ايتتى.
«مەن ورتالىق ازيانىڭ باسقا مەملەكەتتەرىن وسى فورماتقا قوسۋ مۇمكىندىگىن قاراستىرۋدى پايدالى دەپ سانايمىن», دەپ قوستى قاسىم-جومارت توقاەۆ.