بۇل جايىندا مەملەكەت باسشىسى اوسشك VI ءسامميتىنىڭ اشىلۋىندا ايتتى, دەپ حابارلايدى Egemen.kz.
«اوسشك كەڭىستىگىندە شىن مانىندە جۇمىس ىستەيتىن ازىق-ت ۇلىك قاۋىپسىزدىگىن قامتاماسىز ەتەتىن مەحانيزم قاجەت. ازيا الەمدەگى اۋىل شارۋاشىلىعى ونىمدەرىنىڭ ۇشتەن ءبىرىن وندىرگەنىمەن, بۇل سالاداعى ولقىلىقتاردان ءالى دە تولىق ارىلا قويعان جوق. ءبىز ماڭىزدى ونىمدەردىڭ ۇلتتىق ستاندارتتارعا سايكەستىگىن باعالاۋدىڭ بىرىڭعاي تاسىلدەرىن ازىرلەۋىمىز كەرەك», دەدى قاسىم-جومارت توقاەۆ.
سونداي-اق پرەزيدەنت تاۋارلاردىڭ بۇل ساناتى ءۇشىن اوسشك-گە مۇشە مەملەكەتتەر اراسىندا «جاسىل دالىزدەر» اشۋدى ۇسىندى.
«شتاب-پاتەرى استانادا ورنالاسقان ازىق-ت ۇلىك قاۋىپسىزدىگى جونىندەگى يسلام ۇيىمىمەن اوسشك اراسىنداعى ىنتىماقتاستىقتى جولعا قويۋ پەرسپەكتيۆتى بولماق. سونىمەن قاتار ەلدەرىمىزدىڭ اۋىل شارۋاشىلىعى الەۋەتىن ەسكەرە وتىرىپ, ءبىز مۇقتاج ەلدەردى ازىق-ت ۇلىكپەن جانە تىڭايتقىشتارمەن قامتاماسىز ەتۋ ءۇشىن شارالار قابىلداي الار ەدىك», دەدى پرەزيدەنت.