يران يسلام رەسپۋبليكاسىنىڭ پرەزيدەنتى يبراحيم رايسي ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ VI سامميتىنە قاتىسۋ ءۇشىن استاناعا كەلدى. ەلوردا اۋەجايىندا ونى قر پرەمەر-ءمينيسترى ءاليحان سمايىلوۆ قارسى الدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
اوسشك ءسامميتى استانادا 12-13 قازاندا وتەدى. بۇل پاندەميادان كەيىنگى كەزەڭدەگى ايماقتاعى ەڭ اۋقىمدى ساياسي وقيعالاردىڭ ءبىرى بولادى دەپ كۇتىلۋدە. ءىس-شاراعا ازەربايجان, يراك, يران, قازاقستان, كاتار, قىرعىزستان, پالەستينا, رەسەي, تاجىكستان, تۇركيا جانە وزبەكستان باسشىلارى, ۆەتنام ۆيتسە-پرەزيدەنتى جانە قحر توراعاسىنىڭ ورىنباسارى قاتىسادى. سامميتكە اوسشك-ءنىڭ باقىلاۋشى مەملەكەتى بولىپ تابىلاتىن بەلارۋس پرەزيدەنتى دە قاتىسادى.