الداعى قازاننىڭ 14-ءى كۇنى ساعات 17.00-دە استاناداعى Mega Silk Way ساۋدا-ساۋىق ورتالىعىندا Explore Jana Qazaqstan فوتوكورمەسىنىڭ اشىلۋ ءراسىمى وتەدى. بۇل كورمە Explore Jana Qazaqstan كومانداسىنىڭ National Geographic Qazaqstan رەداكتسياسىمەن بىرلەسىپ, بيىلعى مامىر مەن قىركۇيەك ارالىعىندا ۇيىمداستىرعان 5 ەكسپەديتسياسىنىڭ ناتيجەسىندە دايىندالعان. اتالعان ەكسپەديتسياعا Samsung Kazakhstan قولداۋ كورسەتتى, دەپ حابارلايدى Egemen.kz.
ەكسپەديتسيا ماقساتى قازاقستاننىڭ تۋريستىك وڭىرلەرىنىڭ الەۋەتىن ەڭ ۇزدىك وتاندىق فوتوگرافتار مەن ساياحاتشى بلوگەرلەردىڭ فوتواپپاراتتارى مەن ۆيدەوكامەرالارىنىڭ وبەكتيۆى ارقىلى پاش ەتىپ, ىشكى ءتۋريزمدى دامىتۋعا قوسىمشا سەرپىن بەرۋدى كوزدەدى. سوعان وراي, كوماندا مۇشەلەرى ەلىمىزدىڭ تۇركىستان, الماتى, سونداي-اق شىعىس پەن باتىس وڭىرلەرىندە بولىپ, بايتاق وتانىمىزدىڭ الۋان ايشىقتى تۇمسا تابيعاتىمەن تانىستى.
National Geographic Qazaqsan رەداكتسياسى وسى ساپارلار بارىسىندا تۇسىرىلگەن 3500-دەن استام فوتوسۋرەتتىڭ ىشىنەن, Samsung Galaxy S22 Ultra تەلەفونىمەن ايشىقتالعان ەڭ ۇزدىك 30 سۋرەتتى ىرىكتەپ, كورمەدە ۇسىنىپ وتىر.
ۇلانعايىر جەرىمىزدىڭ تاماشا تابيعاتىنىڭ عاجايىپتارىن كورسەتەتىن كورمە 14 قازاننان 14 قاراشاعا دەيىن جالعاسادى. كەلىڭىزدەر, كورىڭىزدەر!
بايلانىس تەلەفوندارى: +7 7078282636 (نۋرسۋلتان)