الاشتىڭ الىپ جىگىتى

وتباسىندا وزىنەن باسقا ءۇش اعاسى مەن ءبىر اپايى بار. ول ومىرگە كەلگەندە, سالماعىندا دا, بو­يىندا دا ەرەكشەلىك باي­قال­ماپتى. الايدا اجەسى ءىرى سۇيەكتى, اكەسى ۇزىن بويلى, كەڭ يىقتى, ءىرى ساۋساقتى بولىپتى. ونىڭ بويى 6-سىنىپتا وقىپ جۇرگەندە وسە باستاعان. ال 9-10-سىنىپتاردا وقىعان كەزدە 50 ولشەمدى اياقكيىم تابۋ قيىنعا سوققان. مەك­تەپتى بىتىرگەندە سالماعى 120 كيلوعا جەتىپ, بويى 2 مەتر بولعان.

بيىل 27 جاسقا تولعان الىپ جىگىتتىڭ دەنساۋلىعىندا ەش كى­نارات جوق. بويىنىڭ ۇزىندىعى دا, سالماعىنىڭ اۋىرلىعى دا ءجۇرىس-تۇرىسىنا كەدەرگى كەل­تىرمەيدى. قازىرگى سالماعى – 150 كيلو. كيىمدى ارنايى تاپسىرىس­پەن تىكتىرەدى.

جارسۋات اۋىلىنىڭ تۇرعىنى بايعالي وتەمانوۆتىڭ ايتۋىن­شا, جەرگىلىكتى تۇرعىندار بىر­نەشە جىل بۇرىن «شاپاعات» قو­رىن قۇرعان. قورعا جينالعان قار­جىعا جاقىندا الماتى قالا­سىندا تۇراتىن اياقكيىم شەبەرى ۆالەري ۆورونينگە تاپسىرىس بەرىلگەن. ءوز ءىسىنىڭ شەبەرى پا­راسات نۇر­عاليەۆ ءۇشىن 56-ولشەمدى اياقكيىم تىگىپ بەرگەن.

– ءبىزدىڭ اۋىلدىڭ تۇرعىن­دارى 2017 جىلدان بەرى قورعا قارجى جيناپ, ءتۇرلى ءىس-شاراعا دەمەۋشىلىك جاساپ كەلەدى. تۋمىسى بولەك پاراساتقا اياقكيىم جاعىنان كومەكتەسۋدىڭ جولىن ىزدەستىردىك. استانا, الماتى, وزگە دە قالالارداعى اياقكيىم شە­بەرلەرىنە حابارلاستىق. سونىڭ ىشىنەن الماتىلىق اياقكيىم شە­­بەرى ۆالەري ۆورونين تازا بىلعارىدان 56-ولشەمدى اياق­كيىم تىگىپ بەردى. اياقكيىمدى تىك­تىرۋ ءۇشىن 200 مىڭ تەڭگە تو­لەدىك. الماتىدا تۇراتىن جار­سۋات اۋىلىنىڭ ازاماتى جالعاس جان­عاليەۆ اياقكيىمدى تىگۋ بارىسىن قاداعالاپ, اۋىلعا بەرىپ جىبەردى, – دەيدى بايعالي وتەمانوۆ.

قازىر الىپ جىگىت پاراسات نۇر­عاليەۆ دوستارىمەن بىرگە ىر­گەتاس قۇيۋ, سىلاق جۇرگىزۋ سەكىلدى ءارتۇرلى جۇمىستى اتقارادى. مەك­­تەپ بىتىرگەننەن كەيىن دانە­كەر­­لەۋشى ماماندىعىن العان ەكەن. الايدا ماماندىعى بو­يىن­شا جۇمىس ىستەمەگەن.

اتىراۋ وبلىسى