تۇرلەنگەن توعىس

دەگەنمەن اتقارىلۋى ءتيىس اۋقىمدى جۇمىستىڭ ءبىرى – ۇڭعىما قازۋ. سول ارقىلى توعىس, ايناتاس, ەلتاي ەلدى مەكەنىندەگى 11 مىڭعا جۋىق حالىق اۋىز سۋمەن قامتاماسىز ەتىلمەك. قازىرگى تاڭ­دا قۇرىلىس جۇمىستارى قارقىن العان. توعىستان 73 مەترلىك سۋ ۇڭعىماسى قا­زى­لىپ, بولات قۇبىرلار سالىنۋدا. ول قوسىمشا ۇڭعىما رەتىندە جاز ايلارىندا قولدانۋ ءۇشىن كەرەك. وسىعان بايلانىستى شىمكەنت قالاسىنىڭ اكىمى م.ايتەنوۆ جۇمىستىڭ بەلگىلەنگەن مەرزىمىنەن كە­شىكپەي, ساپالى ورىندالۋىنا كۇش سالۋ كەرەكتىگىن ايتىپ, جاۋاپتى مەكەمەلەرگە ءتيىستى تاپسىرمالار جۇكتەدى.

نەگىزىنەن توعىس ەلدى مەكەنىنىڭ تۇر­عىندارى اۋىز سۋدان تارىققان ەمەس. بۇگىنگى تاڭدا تىرشىلىك نارىمەن قامتىلۋ كورسەتكىشى 98 پايىزدان اسقان. ساپالى ەلەكتر جارىعىمەن قامتىلۋ كورسەتكىشى دە 99 پايىزعا جەتىپ وتىر. بيىل تۇرعىنداردى جارىقپەن قامتۋ ءۇشىن جاڭادان باعانالار ورناتىلىپ, ەلەكتر جەلىلەرى تارتىلدى. سونداي-اق توعىس جۇرتىنىڭ 98 پايىزى كوگىلدىر وتىن تۇتىنادى. تەك جاڭاقۇرىلىس اۋما­عىنداعى 31 تۇتىنۋشىنىڭ ماسە­لەسىن شەشۋ ءۇشىن كەلەسى جىلى جوبالىق سمەتالىق قۇجاتى ازىرلەنبەك. ەلدى مەكەن جولدارىنا دا اكىمدىك تاراپىنان ءجىتى نازار اۋدارىلىپ كەلەدى. ماسەلەن, بىلتىر اقمايا مەن ايىرشىق كوشەلەرى ورتاشا جوندەۋ كورسە, بيىل 4 كوشە اسفالتتالدى. توعىستاعى كوشەلەر سانى – 18. بۇدان وزگە س.وسپانوۆ پەن مۇنايبارلاۋشىلار كوشەسىنە دە وسى جىلى جارىقشامدار ورناتىلدى.

سونداي-اق توعىس ەلدى مەكەنىندە 15 مىڭنان استام حالىققا قىزمەت كورسەتەتىن جەكە ينۆەستيتسيا ەسەبىنەن Togus-med مەديتسينا ورتالىعى اشىل­ماق. سونىڭ ناتيجەسىندە توعىس, ەلتاي, جىلانبۇزعان, ماياتاس, ايناتاس ەلدى مەكەندەرى تولىق مەديتسينالىق قىزمەت­پەن قامتىلادى. ورتالىقتىڭ ءبىر اۋى­سىم­داعى سىيىمدىلىعى 200 ادام قۇ­راي­دى. مۇندا باستاپقى الەۋمەتتىك-مەديتسينالىق كومەكپەن بىرگە (ەرەسەكتەر مەن بالالارعا), جتد, پەدياتريا, اكۋشەر-گينەكولوگيا, حيرۋرگيا, تراۆماتولوگيا, كارديولوگيا, ەندوكرينولوگيا, ونكولوگيا, ۋرولوگيا, گاستروەنتەرولوگيا, لور, وفتالمولوگيا, ستوماتولوگيا, رەۆماتولوگيا, پروفپاتولوگيا, نەۆرولوگيا, دەرماتوۆەنەرولوگيا, مەديتسينالىق رەابيليتاتسيا, فيزيوتەراپيا جانە ەمدىك فيزكۋلتۋرا مەن ماسساج سىندى ەمدىك شارالار بو­يىنشا قىزمەتتەر كورسەتىلەدى. سونىمەن بىرگە ورتالىق رەنتگەن, فليۋوروگرافيا, ۋدز, ەكگ, ەەگ, حولتەر, سپيروگرافيا سەكىلدى دياگنوستيكالىق قىزمەتتەر ۇسىنۋ ءۇشىن زەرتحانامەن جانە رەنتگەن, فليۋروگرافيا, ۋزي, ەكگ, ەەگ, حولتەر, سپيروگراف سەكىلدى زاماناۋي اپپاراتتارمەن جابدىقتالادى. مۇندا كۇندىزگى ستاتسيونار دا جۇمىس ىستەيتىن بولادى. مەديتسينالىق ورتالىقتىڭ ساپالى قىزمەتىنىڭ ناتيجەسىندە سانيتارلىق كومەكتىڭ تيىمدىلىگى جاقسارىپ, پاتسيەنتتەر ۋاقتىلى, تولىق جانە ساپالى تەك­سەرىلىپ, امبۋلاتوريالىق نەمەسە كۇندىزگى ستاتسيونار جاعدايىندا ەم قابىل­دايدى.

– مەديتسينالىق ورتالىق بۇل ەلدى مەكەندەرگە جاقىن ورنالاسقان. سوندىقتان قالاعا كەلىپ اۋرە بولماي-اق قىزمەتتىڭ باسىم بولىگىن وسىندا الۋعا بولادى. بۇل ءوز كەزەگىندە حالىققا ساپالى مەدي­تسينالىق قىزمەتتىڭ قولجەتىمدىلىگىن ارتتىرادى, – دەدى شاhار باسشىسى.

توعىس ەلدى مەكەنىنىڭ جانىنداعى ماياتاس اۋىلىندا دا يرريگاتسيالىق جۇيە­لەر جاڭعىرتىلۋدا. ماسەلەن, تۇر­عىن الابىنىڭ ق.نىسانباي ۇلى كوشە­سى بويىنا يرريگاتسيالىق ناۋالار ورناتىلدى. بۇل ەكى ەلدى مەكەن دە قالانىڭ ەڭبەكشى اۋدانىنا قارايدى. سونداي-اق توعىس پەن ماياتاستى قوسقاندا وسى اۋدانداعى بادام-1 تۇرعىن الابى مەن شاڭىراق شاعىن اۋدانىندا 1,6 شاقى­رىم­دى قۇرايتىن ارىقتار قازىلىپ جاتىر. وسىدان ەكى اي بۇرىن باستالعان جۇمىس قازان ايىندا اياقتالادى دەگەن جوسپار بار. ءوز كەزەگىندە قالا اكىمى ال­داعى اۋا رايىنىڭ قانداي بولاتىنىن بولجاپ بىلە الماعاندىقتان, جاۋىن-شاشىن باستالعانشا اۋماقتاعى ارىز-اتىزداردى سالىپ ءبىتىرۋ كەرەگىن ەسكەرتتى.

ايتا كەتۋ كەرەك, بىلتىر اۋدان اۋما­عىنداعى 13 مەكەنجايدا 3,3 شاقى­رىمعا يرريگاتسيالىق ارىقتار ورنا­تىلعان ەدى. بيىل جاڭبىر شامادان كوپ جا­ۋىپ, ارىق-اتىزداردىڭ جەتىسپەۋشىلىگى بايقالدى. سوندىقتان سۋ باسۋدىڭ الدىن الۋ ءۇشىن ءبىرىنشى كەزەكتە 7,3 شاقىرىمدى قۇرايتىن 21 نىسانعا يرري­گا­تسيالىق جۇيەلەر جۇرگىزۋ جوسپارلاندى. قازىرگە دەيىن 14 مەكەنجايدا جالپى ۇزىندىعى 5,3 شاقىرىم بولاتىن ارىقتار ورناتىلىپ, جۇمىستار بىتۋگە جاقىن قالدى. ول قاراباستاۋ, قاراتوبە جانە بادام-1 تۇرعىن الاپتارىنداعى كوشەلەر مەن جولدار. جوسپار بويىنشا قالعان 31 مەكەنجايعا يرريگاتسيالىق جۇيەلەر 2023-2025 جىلدار ارالىعىندا جۇرگىزىلەدى.

شىمكەنت