كەنتاۋدىڭ قوعامدىق تاماقتانۋ ورىندارىنىڭ بىرىندە 168 ادام استان ۋلاندى, دەپ حابارلايدى Egemen.kz.
«حابار 24» زارداپ شەككەندەر تاعامنىڭ قاي تۇرىنەن ۋلانعانى زەرتتەلىپ جاتقانى تۋرالى حابارلادى.
قۇقىق قورعاۋ ورگاندارىنىڭ قىزمەتكەرلەرى بولعان وقيعانىڭ ءمان-جايىن انىقتاپ, قىلمىستىق ءىس قوزعادى. سونىمەن قاتار سانەپيدەميولوگتار وبەكتىنى تەكسەرۋدەن وتكىزدى. وندا سانيتارلىق تالاپتار ساقتالماعانى, قىزمەتكەرلەردىڭ مەديتسينالىق تەكسەرۋدەن وتكەنىن ايعاقتايتىن قۇجاتتار مەن شيكىزات پەن ءونىمنىڭ قاۋىپسىزدىگىن كۋالاندىراتىن قۇجاتتار جوق بولىپ شىقتى.
قازىرگى ۋاقىتتا مەكەمەنىڭ جۇمىسى ۋاقىتشا توقتاتىلدى.
ايتا كەتسەك, بۇل كافەدە ۋلانۋ جاعدايلارى بىرنەشە رەت قايتالانعان. وتكەن جىلدىڭ تامىز ايىندا 8 ادام اۋرۋحاناعا جاتقىزىلعان ەدى.