بۇگىندە ەلوردادا ءبىلىم سالاسىنداعى بىرقاتار ينۆەستيتسيالىق جوبا ىسكە اسىرىلىپ كەلەدى. سولاردىڭ ءبىرى - Future School جالپى ءبىلىم بەرەتىن مەكتەبى بۇگىن العاشقى وقۋشىلارىن قابىلدادى, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
مەكەمەنىڭ بىرەگەيلىگى - 440 كىشى بۋىن وقۋشىلارى مەن 120 بالاباقشا تاربيەلەنۋشىلەرىنە ارنالعان «مەكتەپ-بالاباقشا» فورماتىندا قىزمەت كورسەتۋى. مۇندا 50 ادام جۇمىسپەن قامتىلعان.
«2009 جىلدان باستاپ ءبىلىم بەرۋ نارىعىنا قاتىسىپ كەلەمىز, بىزدە 2 «اقبوپە» بالاباقشاسى بولدى, سودان كەيىن اتا-انالار سۇراعاندىقتان, بىزگە ودان ءارى جالعاستىرۋ تۋرالى وي كەلدى. مۇنداي مۇمكىندىك 2019 جىلى پايدا بولدى. بىردەن ينۆەستيتسيالىق كەلىسىمشارت جاسادىق, بۇعان بىزگە ينۆەستيتسيالار جونىندەگى باسقارما, ينۆەستيتسيالار جونىندەگى كوميتەت كوپ كومەكتەستى, ءبىزدىڭ وتىنىمدەرىمىزدى قاراپ, بىزگە ءبىر گەكتار جەر ۋچاسكەسىن ءبولىپ بەردى. قۇجاتتاردى راسىمدەۋ 1 جىلعا سوزىلدى. وسىدان كەيىن ءبىز مەكتەپ سالۋدى باستادىق», دەدى «Future School» قۇرىلتايشىسى ارمان ءبىرىمجانوۆ.
ايتا كەتسەك, «بالاباقشا-مەكتەپ» فورماتى ءبىلىم بەرۋ سالاسىندا بەلگىلى ءبىر تاجىريبە جيناقتالعاننان تاڭدالدى.
كاسىپكەردىڭ ايتۋىنشا, جوبانى تولىق جۇرگىزگەن «استانا ينۆەست» كومپانياسى ۇلكەن ۇيىمداستىرۋشىلىق كومەك كورسەتتى.