وسكەمەن قالاسىندا ءورت سوندىرۋشىلەر سوگرا كەنتىنىڭ شەتىندەگى 100 گا الاڭدا ورتكە قارسى جۇمىستار جۇرگىزىلۋدە, دەپ حابارلايدى Egemen.kz شقو تجد-عا سىلتەمە جاساپ.
«قۇرعاق ءشوپ جانىپ جاتىر. قاتتى جەل بىرنەشە مينۋت ىشىندە جالىندى مەكەمەنىڭ بىرىنە تيەسىلى 110 شارشى مەتر اۋماقتا سپورتتىق جابدىقتارى بار 7 كونتەينەر ورنالاسقان اۋماققا تاراتتى. ءورت 48 شارشى مەتر اۋماقتاعى جەكە تۇرعىن ۇيگە دە تارادى. قۇرباندار مەن زارداپ شەككەندەر جوق. وقيعا ورنىنا شقو تجد كۇشتەرى - جەكە قۇرامنىڭ 39 ادامى مەن 5 بىرلىك تەحنيكا, ۇلتتىق ۇلاننىڭ 50 ادامى مەن 2 بىرلىك تەحنيكا جۇمىلدىرىلدى. ساعات 22:15-تە ءورت وقشاۋلاندى. زارداپ شەككەندەر جوق, ءورتتىڭ سەبەبى انىقتالۋدا», دەپ حابارلادى تجد.
سونىمەن قاتار, بۇگىن وسكەمەندە پۋتەۆايا كوشەسىندە ماي زاۋىتىنىڭ اۋماعىندا ءورت بولدى. شقو تجد ءورت ءسوندىرۋ بولىمشەلەرى كەلگەن كەزدە قازاندىق, تسەح شاتىرىنىڭ اعاش كونسترۋكتسيالارى, كولەمى 40 تەكشە مەتر جانە 70 تەكشە مەتر كۇنباعىس قابىعى بار 2 بۋنكەر ورتەندى.
ءورت سوندىرۋشىلەردىڭ جۇمىسى جوعارى دارەجەدە جۇرگىزىلدى. ءورت سوندىرۋشىلەردىڭ ۇيلەسىمدى ءىس-قيمىلدارىنىڭ ارقاسىندا ءورتتى شامامەن 150 شارشى مەتر اۋماقتا وقشاۋلاۋعا مۇمكىندىك تۋدى. ءورتتى سوندىرۋگە جەكە قۇرامنىڭ 47 ادامى مەن شقو تجد 10 تەحنيكاسى جۇمىلدىرىلدى. ءورتتىڭ سەبەبى انىقتالۋدا. قۇرباندار مەن زارداپ شەككەندەر جوق.