شىعىس قازاقستان وبلىسىندا جول-كولىك وقيعاسى سالدارىنان تاس جولعا 25 توننا كۇكىرت قىشقىلى توگىلدى, دەپ حابارلايدى Egemen.kz وبلىستىق ەكولوگيا دەپارتامەنتىنە سىلتەمە جاساپ.
وقيعا 5 قازاندا وسكەمەن – راحمان قاينارى تاس جولىنىڭ 227-ءشى شاقىرىمىندا بولعان. «AM Logistic» جشس-نە تيەسىلى اۆتوتسيستەرناسى بار كاماز كولىگى تاس جولدا اۋدارىلىپ قالعان.
«وقيعا سالدارىنان اۆتوتسيستەرنادان جالپى ماسساسى 25 توننا كۇكىرت قىشقىلى 50 شارشى مەتر جەر ۋچاسكەسىنە اعىپ كەتتى. كۇكىرت قىشقىلىن زالالسىزداندىرۋ ماقساتىندا «كازتسينك» جشس 15 توننا اك ءبولدى. توپىراق جامىلعىسىنىڭ لاستانۋ دارەجەسىن انىقتاۋ ءۇشىن توپىراقتان سىنامالار الىندى», دەپ حابارلادى مەملەكەتتىك مەكەمە.