قاسىم-جومارت توقاەۆتى قولداۋ جونىندەگى حالىقتىق كواليتسيا فورۋمىندا پرەزيدەنت ەلدەگى دەموگرافيالىق احۋال جايلى ءسوز قوزعادى, دەپ حابارلايدى Egemen.kz.
«ەلىمىزدە دەموگرافيالىق احۋال جاقسارىپ كەلە جاتىر. بۇل – قۇپتارلىق ءۇردىس. ءبىز «اڭساعان ءسابي» باعدارلاماسىن قابىلدادىق. ۇلت ساۋلىعى – باستى بايلىعىمىز. 2020 جىلدان باستاپ مىندەتتى الەۋمەتتىك مەديتسينالىق ساقتاندىرۋ جۇيەسى قولدانىسقا ەنگىزىلدى», دەدى مەملەكەت باسشىسى.
سونىڭ ارقاسىندا دەنساۋلىق ساقتاۋ سالاسىن قارجىلاندىرۋ 1,5 ەسە ارتقان.
«مەديتسينالىق كومەكتىڭ ساپاسىن جاقسارتۋ ءۇشىن جۇيەلى جۇمىس اتقارىلىپ جاتىر. سونداي-اق دەنە شىنىقتىرۋ سالاسىن دامىتۋعا ەرەكشە كوڭىل ءبولىنىپ وتىر. بۇقارالىق سپورتتى دامىتۋ, ءتۇرلى ۇيىرمەلەر اشۋ قاجەتتىگى تۋرالى مىندەت قويىلدى», دەدى قاسىم-جومارت كەمەل ۇلى.