اقش-تا 110 ادام «يەن» داۋىلىنىڭ قۇربانى بولدى, دەپ حابارلايدى Egemen.kz.
جەرگىلىكتى باق-تىڭ حاباراۋىنشا, فلوريدا شتاتىندا 300 مىڭعا جۋىق تۇرعىن ءالى كۇنگە دەيىن جارىقسىز وتىر.
وسى ۋاقىتقا دەيىن داۋىل سالدارىنان فلوريدادا 105 ادام, ونىڭ ىشىندە لي وكرۋگىندە 55 ادام قايتىس بولدى. سونداي-اق سولتۇستىك كارولينا شتاتىندا بەس ادام قازا بولدى. زارداپ شەككەندەردىڭ كوپشىلىگى سۋعا باتىپ كەتكەن.
فلوريدا شتاتىنىڭ كولليەر وكرۋگىنە كومەندانتتىق ساعات ەنگىزىلدى. اقش پرەزيدەنتى دجوزەف بايدەن سارسەنبىدە فلوريدانىڭ فورت-مايەرس قالاسىندا شتاتتىڭ تولىق قالپىنا كەلۋى ءۇشىن بىرنەشە جىل قاجەت ەكەنىن ايتتى.
«يەن» داۋىلى 28 قىركۇيەكتە فلوريدانىڭ وڭتۇستىك-باتىس جاعالاۋىندا سوقتى. قاتتى داۋىل مەن سۋ تاسقىنى كوپتەگەن ۇيلەردى, ينفراقۇرىلىمداردى, كولىكتەر مەن كەمەلەردى زاقىمدادى. 30 قىركۇيەكتە داۋىل اتلانت مۇحيتىنان وڭتۇستىك كارولينا شتاتىنا جەتتى.
امەريكالىق CoreLogic اناليتيكالىق كومپانياسىنىڭ باعالاۋى بويىنشا, فلوريداداعى داۋىلدان كەلگەن شىعىن 47 ميلليارد اقش دوللارىنا جەتۋى مۇمكىن.