فۋتزالدان قازاقستان ۇلتتىق قۇراماسىنىڭ باس باپكەرى ريكاردو كاكا 2024 جىلعى الەم چەمپيوناتىنىڭ ىرىكتەۋ تۋرنيرىندە سلوۆەنيامەن وتەتىن كەزدەسۋگە شاقىرىلعان ويىنشىلاردىڭ ءتىزىمىن جاريالادى, دەپ حابارلايدى Egemen.kz.
تىزىمگە 16 ويىنشى ەندى. جاراقاتىنا بايلانىستى ۇلتتىق قۇرامانىڭ كوشباسشىلارى ءبىرجان ورازوۆ پەن ەدسون شاقىرتۋ المادى.
نازارلارىڭىزعا فۋتزالدان قازاقستان ۇلتتىق قۇراماسىنا شاقىرتۋ العان ويىنشىلار ءتىزىمىن ۇسىنامىز:
قاقپاشىلار: يگيتا («قايرات»), نۇرالەم بايدۋللا («راحمەت»), اندرەي گولۋبنيچي («اقتوبە»);
الاڭداعى ويىنشىلار: دۋگلاس, داۋرەن نۇرعوجين, شىڭعىس ەسەنامانوۆ, داۋرەن تۇرساعۇلوۆ, البەرت اقبالىقوۆ (بارلىعى – «قايرات»), لەو («جوينۆيل», برازيليا), تاينان («ەل-پوسو», يسپانيا), ازات ۆاليۋللين («ايات»), ارنولد كناۋب, رايىمبەك جۇما, (ەكەۋى دە – «كاسپي»), ەۆگەني كوشكين, اقجول ءدارىباي (ەكەۋى دە – «استانا»), سەرىك ءماجيتوۆ («بايتەرەك»).
ايتا كەتەيىك, فۋتزالدان قازاقستان قۇراماسى 8 قازان كۇنى 2024 جىلعى الەم چەمپيوناتىنىڭ ىرىكتەۋ كەزەڭىنىڭ العاشقى ويىنىن سلوۆەنيامەن وتكىزەدى. ماتچ استانا قالاسىندا جاقسىلىق ۇشكەمپىروۆ اتىنداعى جەكپە-جەك سارايىندا بولادى.