ىشكى ىستەر مينيسترلىگى مۇددەلى مەملەكەتتىك ورگاندارمەن جانە اكىمدىكتەرمەن بىرلەسىپ جول اپاتتارىنىڭ كوبەيۋىنە قاتىستى جان-جاقتى تالداۋ جۇرگىزۋى ءتيىس. بۇل تۋرالى ءاليحان سمايىلوۆ ۇكىمەت وتىرىسىندا ايتتى, دەپ حابارلايدى Egemen.kz.
ءاليحان سمايىلوۆ جاۋاپتى سالا وكىلدەرىنە تومەندەگىدەي تاپسىرمالار جۇكتەدى:
1. جول اپاتتارى ءجيى بولاتىن ۋچاسكەلەردەگى قوزعالىستى قاداعالاۋ جۇمىستارىن كۇشەيتۋ قاجەت. ءتيىستى ءىس-شارالاردى ازىرلەپ, ونى دايىندالىپ جاتقان قوعامدىق قاۋىپسىزدىكتى قامتاماسىز ەتۋ جونىندەگى تۇجىرىمداماعا ەنگىزۋ كەرەك.
2. اكىمدىكتەر قاۋىپسىز جول ينفراقۇرىلىمىن جاساۋ بويىنشا قوسىمشا شارالار قابىلداۋى ءتيىس. جولداعى كامەرالاردى كوبەيتۋ قاجەت.
3. يندۋستريا مينيسترلىگى كولىك قۇرالدارىن تەحنيكالىق تەكسەرۋ ساپاسىن ءتيىمدى باقىلاۋ تەتىگىن جاساۋى قاجەت.
4. ادىلەت جانە ىشكى ىستەر مينيسترلىكتەرى ساپاسىز جۇرگىزۋشىلەردى دايارلايتىن اۆتومەكتەپتەردىڭ جاۋاپكەرشىلىگى ماسەلەسىن قاراۋى كەرەك. جول ءجۇرۋ ەرەجەلەرىن ءجيى بۇزاتىن ادامدارعا جازانى كۇشەيتۋ قاجەت.