قر پرەمەر-ءمينيسترى ءاليحان سمايىلوۆ ۇكىمەتتە وتكەن كەڭەستە حالىقتى كومىرمەن قامتاماسىز ەتۋ بويىنشا بىرقاتار تاپسىرما بەردى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
2022 جىلعى قاڭتار-تامىزدا ەلىمىزدە 73,7 ملن توننا كومىر وندىرىلگەن, بۇل وتكەن جىلدىڭ سايكەس كەزەڭىمەن سالىستىرعاندا 6,2%-عا كوپ. كومىر ءوندىرۋشى كاسىپورىنداردىڭ دەرەكتەرى بويىنشا ونىڭ نەگىزگى رازرەزدەردەگى قۇنى وتكەن جىلعى دەڭگەيدە ساقتالعان. ال ساتۋ ورىندارىندا كومىر باعاسىنىڭ وسۋىنە جول بەرمەۋ ءۇشىن ونى ۇزدىكسىز تاسىمالداۋدى قامتاماسىز ەتۋ جانە اۆتوموبيل كولىگىمەن ەلدەن تىس جەرلەرگە اكەتۋدى شەكتەۋ (6 ايعا) جونىندە شارالار قابىلداندى.