قايعىلى وقيعا 1 قازان كۇنى كەشكە الماتى وبلىسىنىڭ ىلە اۋدانىندا بولدى, دەپ حابارلايدى Egemen.kz.
24 جاستاعى جۇرگىزۋشى الماتى-وسكەمەن تاس جولىنىڭ بويىمەن سولتۇستىك باعىتتا كەلە جاتقان. 19-شاقىرىمدا دوڭگەلەك كەدەرگىسىن باسىپ وتكەندە ءرۋلدى باسقارا الماي, كولىك اۋدارىلىپ قالعان. العان جاراقاتتارىنان جۇرگىزۋشى وقيعا ورنىندا كوز جۇمدى, ال ونىڭ 59 جاستاعى جولاۋشىسى ءتۇرلى دەنە جاراقاتتارىمەن اۋرۋحاناعا جەتكىزىلدى.
«جول-كولىك وقيعاسى بويىنشا قر قىلمىستىق كودەكسىنىڭ 345-بابى 2-بولىگىمەن قىلمىستىق ءىس قوزعالدى. ءتيىستى ساراپتاما تاعايىندالدى», دەدى الماتى وبلىسى دپ ءباسپاسوز قىزمەتىنەن.