2022 جىلعى 29 قىركۇيەكتە ساعات 18.00-دە بايقوڭىر اۋدانىنداقوعامدىق ءتارتىپتى ساقتاۋ قىزمەتىنە كىرىسكەن اۆتوپاترۋل باستىعى اعاسەرجانت راحمەت نۇرتاس بالقاش جولىمەن اۆتوپاترۋلمەن ءجۇرىپ كەلە جاتىپ,جەكە سەكتورداعى ۇيگە ىرگەلەس ءبىر قاباتتى قۇرىلىستان ءتۇتىن شىعىپجاتقانىن بايقاعان, دەپ حابارلايدى Egemen.kz.
وسىدان كەيىن 10 اسكەري قىزمەتشىدەن قۇرالعان اسكەري جاساق ۋچاسكەنىقورشاپ الىپ, ورتكە قارسى قىزمەتكە 101 نومەرىنە قوڭىراۋ شالادى, سونداي-اق پوليتسيا قىزمەتكەرلەرىن شاقىرادى. ءورت سوندىرۋشىلەر توبى كەلگەنگەدەيىن ولار ءورتتى ءوز بەتتەرىنشە سوندىرەباستاعان.- جەكە تۇرعىن ءۇي سەكتورىنان شىققان ءتۇتىندى بايقاعان سوڭ, اسكەريجاساقپەن بىرگە دەرەۋ ءورت ورنىنا جۇگىردىك, وندا مونشانىڭ ورتكە ورانىپجاتقانىن كوردىك. اسكەري جاساق ءورت بولعان جەردى وقشاۋلاپ تۇرعاندا, مەنىشكە جۇگىردىم – بولمەلەردە ادامداردىڭ, جانۋارلاردىڭ جانە جارىلعىشزاتتاردىڭ بار-جوعىن تەكسەردىم. باقىتىمىزعا وراي, ەشكىم دە, ەشتەڭە دەبولعان جوق, - دەدى اعا سەرجانت راحمەت.
قۇرىلىستىڭ يەسى 5573 اسكەري ءبولىمىنىڭ اسكەريقىزمەتشىلەرىنە قىراعىلىق تانىتقانى جانە ءورتتى سوندىرۋگە كومەكتەسكەنى ۇشىنالعىسىن ءبىلدىردى.
ساعات 18.40 شاماسىندا كۇزەتشىلەر وزدەرىنە سەنىپتاپسىرىلعان ۋچاسكەلەردە قوعامدىق ءتارتىپتى ساقتاۋ قىزمەتىن جالعاستىردى.