ەل مۇددەسىنە كەرەعار پىكىر ايتاتىن, ءتىپتى, جالعان اقپارات تاراتاتىن ادامدار پايدا بولۋى مۇمكىن. بۇل تۋرالى پرەزيدەنت اباي وبلىسىنىڭ جۇرتشىلىعىمەن كەزدەسۋىندە ايتتى, دەپ حابارلايدى Egemen.kz.
«قازىر ەلىمىزدە ۇلكەن ساياسي ناۋقان باستالدى. ارينە, سايلاۋ بولعاننان كەيىن ءتۇرلى پىكىرتالاستار بولادى. سونىمەن قاتار ەل مۇددەسىنە كەرەعار پىكىر ايتاتىن, ءتىپتى, جالعان اقپارات تاراتاتىن ادامدار پايدا بولۋى مۇمكىن. ءبىز وسىعان ساق بولۋىمىز قاجەت», دەدى پرەزيدەنت.
ونىڭ ايتۋىنشا, سايلاۋ جاريالانعان سوڭ ءتۇرلى جالعان دەرەكتەر, اقپارات, ياعني فەيكتەر تاراتىلىپ, كيبەرشابۋىلدار كۇشەيدى.
«بۇل جايدان جاي ەمەس. كەيبىر كۇشتەر شەتەلدەن وسىنداي ارەكەتتەردى ۇيىمداستىرىپ, ەل ىشىنە ىرىتكى سالۋدى كوزدەيدى. ولار قازاقستاندا وڭ وزگەرىستەرگە كەدەرگى جاساعىسى كەلەدى. بىراق ءبىز باعىتىمىزدان تايمايمىز», دەدى ول.