بۇل تۋرالى ەكونوميكانى دەمونوپوليزاتسيالاۋ جونىندەگى كوميسسيانىڭ كەزەكتى وتىرىسىن وتكىزگەن اليحان سمايىلوۆ ايتتى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
جيىندا «ۇلتتىق ساراپتاما جانە سەرتيفيكاتتاۋ ورتالىعى» اق جانە «سۇيىتىلعان مۇناي گازىن ساقتاۋ پاركى» جشس قىزمەتىنىڭ ماسەلەلەرى قارالدى.
باسەكەلەستىكتى قورعاۋ جانە دامىتۋ اگەنتتىگىنىڭ توراعاسى مارات وماروۆ قازىرگى ۋاقىتتا مونوپوليالىق جوعارى باعا قويۋ, ۇستەم جاعدايدى اسىرا پايدالانۋ بەلگىلەرى بويىنشا «ۇلتتىق ساراپتاما جانە سەرتيفيكاتتاۋ ورتالىعى» اق-عا قاتىستى تەرگەۋ جۇرگىزىلىپ جاتقانىن اتاپ ءوتتى.
سونداي-اق ونىڭ ايتۋىنشا, ۆەدومستۆو «سۇيىتىلعان مۇناي گازىن ساقتاۋ پاركى» جشس-نە قاتىستى سۇيىتىلعان مۇناي گازىنا مونوپوليالىق جوعارى باعا بەلگىلەۋ جانە اۋىستىرىپ تيەۋ, ساقتاۋ قىزمەتتەرى ماسەلەسى بويىنشا تەرگەۋدى جالعاستىرىپ جاتىر.
پرەمەر-مينيستر وسى باعىتتار بويىنشا جۇمىستى جالعاستىرۋدى جانە ونىڭ قورىتىندىسى بويىنشا ءتيىستى ۇسىنىستار دايىنداپ, كوميسسيا قاراۋىنا شىعارۋدى تاپسىردى.