مەملەكەتتىك كەڭەسشى ەران قاريننىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ وتىرىسى ءوتتى, دەپ حابارلايدى Egemen.kz.
وتىرىستا ەۋروپا/گرەكو كەڭەسى جانىنداعى سىبايلاس جەمقورلىققا قارسى كۇرەس جونىندەگى مەملەكەتتەر توبىنىڭ ۇسىنىستارى تالقىلاندى. سىبايلاس جەمقورلىققا قارسى ءىس-قيمىلدىڭ ءتيىمدى شارالارىن ودان ءارى ەنگىزۋ ماقساتىندا گرەكو-مەن سىندارلى ءوزارا ءىس-قيمىلدى قامتاماسىز ەتۋگە باسا نازار اۋدارىلدى.
مەملەكەتتىك كەڭەسشى شەتەلدىك ساراپشىلار ەنگىزگەن ۇسىنىمداردى پىسىقتاۋ جانە ولاردى ىسكە اسىرۋدىڭ پارمەندى تەتىكتەرىن ازىرلەۋ جونىندەگى قىزمەتتى جانداندىرۋ قاجەتتىگىن اتاپ ءوتتى.
سونداي-اق وتىرىستا كولەڭكەلى ەكونوميكاعا قارسى ءىس-قيمىلدىڭ 2021-2023 جىلدارعا ارنالعان كەشەندى جوسپارىن ىسكە اسىرۋ بويىنشا مەملەكەتتىك ورگاندار قابىلدايتىن شارالار تالقىلاندى.
تالقىلاۋدى ەسكەرە وتىرىپ, كوميسسيا قارالعان ماسەلەلەر بويىنشا ناقتى ۇسىنىمدار ازىرلەدى.