ساراپشىلاردىڭ دەرەكتەرىنە سايكەس, ءبىر جىل ىشىندە قازاقستاندا ۇن 41%-عا قىمباتتادى. سونىمەن قاتار 2022 جىلدىڭ تامىز ايىنىڭ قورىتىندىسى بويىنشا ۇن باعاسى ءبىر ايدا 4,3%-عا ءوستى, دەپ حابارلايدى Egemen.kz.
سونداي-اق Energyprom زەرتتەۋىندە ايتىلعانداي, 2022 جىلدىڭ ءساۋىر-مامىر ايلارىندا ۇن باعاسىنىڭ ءوسۋى بويىنشا رەكورد تىركەلدى. ولار تيىسىنشە 7,5% جانە 6,8%-دى قۇرادى.
ساراپشىلار ۇن باعاسىنىڭ ەڭ جوعارى ءوسىمى پاۆلودار وبلىسىندا (12,8%-عا) تىركەلگەنىن ناقتىلاپ وتىر. سونداي-اق بۇل تىزىمدە جەتىسۋ (12,4%-عا) جانە باتىس قازاقستان (11,9%-عا) وبلىستارى بار.
«سونىمەن قاتار ۇن اقمولا (0,3%-عا), اقتوبە (0,6%-عا) جانە سولتۇستىك قازاقستان (0,8%-عا) وبلىستارىندا قىمباتتادى», دەلىنگەن حابارلامادا.
زەرتتەۋدە جەتى ايدىڭ قورىتىندىسى بويىنشا قازاقستاننىڭ ىشكى نارىعىندا ۇندى ساتۋ 21%-عا تومەندەگەنى ايتىلعان.