جيىن-تەرىم ويداعىداي جۇرگىزىلىپ جاتىر

وڭىردەگى ەگىستىك القاپتارىندا وراق ناۋقانى تامىزدىڭ ورتا شەنىندە باستالعان. اۋىل شا­رۋا­­شىلىعى باسقارماسىنىڭ اق­پاراتى بويىنشا, قازىرگى ۋا­قىت­تا كۇرىشتى قوسپاعاندا ءداندى جانە بۇرشاقتى داقىلداردى جيناۋ جۇمىستارى قارقىندى جال­عاسىپ كەلەدى.

– رەسمي ستاتيستيكالىق دەرەك­تەرگە سايكەس, بىلتىر ءداندى-دا­قىلدار 615,6 مىڭ گەكتار ال­قاپ­­­­قا وتىرعىزىلسا, بيىل بۇل كور­­سەتكىش 639,6 مىڭ گەكتاردى قۇ­رادى. وسىلايشا, ءداندى-دا­قىل­دار وتىرعىزىلاتىن ەگىس ال­قاپ­تا­رىنىڭ الاڭى 24 مىڭ گەك­تارعا ارتتى, – دەيدى وبلىست­ىق اۋىل شا­رۋا­شىلىعى باسقار­ماسىنىڭ باسشىسى راميل ساعاندىقوۆ.

ونىڭ ايتۋىنشا, بيىل eگic ال­قاپتارىنىڭ جاي-كۇيى جامان ەمەس. جاز ماۋسىمى باستاپ­قى­دا جاۋىن-شاشىنسىز باستالىپ, شارۋالاردى الاڭداتقانى راس. دەگەنمەن, داقىل كوكتەگەن ۋاقىتتا ىلعال كوپ ءتۇسىپ, دي­قان­دار­دىڭ كوڭىلى جايلاندى. وسى­­نىڭ ناتيجەسىندە قازىر ەر­تىستىڭ بال بونيتەتى جوعارى وڭ جا­عالاۋى مەن قۇنارى از سول ج­اعالاۋىنداعى ەگىس القاپ­تارى­نان ءداندى-داقىلداردىڭ تۇسەتىن ورتاشا ءتۇسىمى گەكتارىنا 18 تسەنت­­نەردى قۇرايدى دەپ بولجانىپ وتىر.

ايتا كەتسەك, بيىل وراق ناۋ­قانىن ۇلان, شەمونايحا اۋدان­دارىنىڭ اۋىل شارۋا­شىلىعى قۇرىلىمدارى ءبىرىنشى بولىپ باستاعان.

– وبلىس بويىنشا تاياۋ­دا ءدان­دى-داقىلدار 100 پايىز كولەمدە

جينالادى دەپ بول­جانعان. اتاپ وتەر بولساق, كۇزدىك جانە جاز­دىق بيداي, قارا بيداي, ارپا, س ۇلى, تارى, قاراقۇمىق, ما­ساق­تىلار قوسپاسى, قارا بيداي بۋدانى, كەپتىرىلگەن بۇرشاقتى كو­كونىستەرى جينالدى. جينالعان استىقتى كەپتىرۋ جانە ساقتاۋدا دا ماسەلە جوق دەپ ويلايمىن. ويتكەنى وبلىستا بار ەلەۆاتورلار, استىق قابىلداۋ پۋنكتتەرى جانە اۋىل شارۋاشىلىعى قۇرا­لىمدارىنىڭ مەنشىكتى قويما­لارى شامامەن 1 ملن توننا اس­تىقتى ساقتاۋعا مۇمكىندىك بەرە­دى, – دەيدى ر.ساعاندىقوۆ.

جاڭا ءونىمدى وڭدەۋ ءۇشىن وبلىس اۋماعىنداعى شارۋاشىلىقتاردا ءارتۇرلى قۋاتتىلىقتاعى 209 مە­حا­نيكالاندىرىلعان توك بار, ولار استىقتى باستاپقى وڭدەۋدى قامتاماسىز ەتەدى. بۇدان باسقا وبلىستا اۋىل شارۋاشىلىعى دا­قىلدارىنىڭ ءونىمىن ساقتاۋمەن قۋاتتىلىعى 327,9 مىڭ توننا بولاتىن ليتسەنزيالانعان بەس ەلەۆاتور اينالىسادى.

وراق ماۋسىمى باستالعان سا­يىن قايتا اينالىپ سوعا­تىن پروبلەمالاردىڭ ءبىرى – جانار-جاعارماي تاپشىلىعى ەكەنى بەسەنەدەن بەلگىلى. بيىل دا ەلىمىزدە بۇل ماسەلە بوي كو­تەر­دى. جەر-جەرلەردە ديزەل تاپ­شى­لىعى مەن قۇنىنىڭ شارىق­تاۋى سياق­تى اقپاراتتار تارادى. دەي­تۇر­عانمەن, باسقارما قازىرگى ۋا­قىتتا وڭىرلەردەگى جانار-جا­عار­ماي تاپشىلىعىنىڭ ورتاشا دەڭگەيدە تۇرعانىن اتاپ ءوتتى. وpaق ناۋقانىن ويداعىداي وتكىزۋ ءۇشىن قاجەتتى جانار-جاعارمايدى جەتكىزۋگە مىندەتتى وپەراتورلار بەلگىلەنگەن. اتاپ ايتساق, بۇگىندە وبلىس بويىنشا وسىنداي 20 وپەراتور جۇمىس ىستەيدى.

– 2022 جىلى كۇزگى دالا جۇ­مىستارىن جۇرگىزۋ ءۇشىن ەلىمىزدىڭ ەنەرگەتيكا مينيسترلىگى شىعىس قازاقستان وبلىسىنىڭ اۋىل شا­رۋاشىلىعى قۇرىلىمدارىنا پاۆلودار مۇناي-حيميا زاۋىتىنان 17,8 مىڭ توننا ديزەل وتىنىن ءبولدى. اتالعان ديزەل وتىنىنىڭ كولەمى تامىز ايىنا 7,4 مىڭ توننا, قىركۇيەكتە 7,6 مىڭ توننا جانە قازان ايىنا 2,8 مىڭ توننا ءبولىندى. وپە­راتورلاردىڭ تامىز جانە قىر­كۇيەك ايلارىنداعى بوساتۋ باعاسى ليترىنە 204-تەن 212 تەڭ­گەگە دەيىن بولدى. ديزەل وتى­­نىن بولۋدە سۋبسيديالاۋ شارا­لارى قاراستىرىلماعان, – دەدى ر.ساعاندىقوۆ.

بۇدان بولەك, وبلىستاعى شا­رۋاشىلىقتاردىڭ تەحنيكالىق قامتاماسىز ەتىلۋى دە جامان ەمەس كورىنەدى. اتاپ ايتساق, بيىل ەگىس القاپتارىنا 2 074 استىق جينايتىن كومباين شىقسا, ونىڭ 355-ءى ونىمدىلىگى جوعارى زاماناۋي كومبايندار بولىپ كەلەدى. كومباينعا ورتاشا ماۋسىمدىق جۇكتەمە 350 گەكتاردان اسپايدى, ياعني ءبىر كومبايننىڭ ماۋ­سىمدىق جۇكتەمەسى 300 موتو/ساعات نەمەسە 600 گەكتارعا دەيىن. مامانداردىڭ مالىمەتىنە سۇيەن­سەك, بۇل جيناۋ ماۋسىمىنا ارنالعان نورماتيۆتىك جۇكتەمەگە سايكەس كەلەدى.

شىعىس قازاقستان وبلىسى