پرەزيدەنتتىڭ توراعالىعىمەن وتكەن رەفورمالار جونىندەگى جوعارعى كەڭەستىڭ كۇن تارتىبىندە «جايلى مەكتەپ» جالپىۇلتتىق جوباسىن ىسكە اسىرۋ ماسەلەسى قارالدى, دەپ حابارلايدى Egemen.kz.
پرەزيدەنتتىڭ ءباسپاسوز قىزمەتى مەملەكەتتىك ينۆەستيتسيا ەسەبىنەن بۇل جوبا ارقىلى 800 مىڭ وقۋشىعا ورىن قاراستىرىلاتىنىن حابارلادى. سونداي-اق اتالعان جوبا جايلى جان-جاقتى اقپاراتپەن ءبولىستى.
جوبانىڭ ماقساتى مەن مىندەتتەرى
2026 جىلعا قاراي قالالار مەن قارقىندى دامىپ كەلە جاتقان (پەرسپەكتيۆالى) ەلدى مەكەندەردە جاڭا ۇلگىدەگى مەكتەپتەر سالۋ;
مەكتەپتەردى سالۋ كەزىندە قۇرىلىس پەن جابدىقتاۋدىڭ بىرىڭعاي ستاندارتىن قولدانۋدى قامتاماسىز ەتۋ;
وقۋشىلار مەن وقىتۋشىلارعا قولايلى ءارى قاۋىپسىز جاعداي جاساۋ;
ءبىلىم بەرۋ قىزمەتىنىڭ ساپاسىن ارتتىرۋ.
سالا ءۇشىن تيىمدىلىگى
ءۇش اۋىسىمدى جانە اپاتتى مەكتەپتەردى جويۋ;
ءبىلىم ساپاسىنا قاتىستى الشاقتىق فاكتورلارىن جويۋ (قالالىق/اۋىلدىق);
ءبىلىم بەرۋ ورتاسىنىڭ جاڭا ستاندارتتارىن ەنگىزۋ.
اكىمدەردىڭ جەكە جاۋاپكەرشىلىگىنە بەرىلەتىن جۇمىستار:
مەكتەپ سالۋعا جەر تەلىمدەرىن بەرۋ;
ينجەنەرلىك ينفراقۇرىلىمدى, جولداردى سالۋ, قوعامدىق كولىك باعىتتارىن انىقتاۋ جانە ت.ب. جۇمىستاردى جۇرگىزۋ;
پەداگوگ كادرلارمەن قامتاماسىز ەتۋ جانە مەكتەپتەردى يەلىككە الۋ;
مەكتەپتى پايدالانۋعا بەرۋدىڭ بەكىتىلگەن جوسپارىن ۋاقىتىلى ورىنداۋ;
جوبانى ىسكە اسىرۋدىڭ العاشقى جىلىندا وقۋشى ورنى تاپشى ايماقتاردا مەكتەپتەر سالۋدى قامتاماسىز ەتۋ.