مەملەكەت باسشىسى قاسىم-جومارت توقاەۆ رەفورمالار جونىندەگى جوعارى كەڭەستىڭ كەزەكتى وتىرىسىندا اكىمدەرگە ينفراقۇرىلىم جونىندەگى ماسەلەلەردى شەشۋ بويىنشا تاپسىرما بەردى, دەپ حابارلايدى Egemen.kz.
«اكىمدەر جىل سوڭىنا دەيىن جەر, ينفراقۇرىلىم جونىندەگى بارلىق ماسەلەنى شەشۋى قاجەت. مۇندا ەش اقتالۋدىڭ رەتى جوق. سوندىقتان اتالعان جۇمىستىڭ ورىندالۋىنا اكىمدەردى تىكەلەي جاۋاپتى ەتىپ بەكىتۋ جونىندەگى ۇكىمەتتىڭ ۇسىنىسىن قولدايمىن. قۇرىلىسى 2023 جىلى باستالۋعا ءتيىس مەكتەپتەر ءۇشىن جەر ۋچاسكەلەرىن ءبولۋ جانە ينفراقۇرىلىمعا قوسۋ جونىندەگى بارلىق ماسەلە ءبىر اي ىشىندە شەشىلۋگە ءتيىس. قالعاندارى جىل سوڭىنا دەيىن شەشىمىن تابۋى كەرەك», دەپ اتاپ ءوتتى پرەزيدەنت.
مەملەكەت باسشىسى اكىمدەر بيۋروكراتيانى ازايتۋ, ناقتى ماسەلەلەردىڭ شەشىلۋىن سوزبالاڭعا سالۋ پروبلەماسىن رەتتەۋى كەرەك ەكەنىن ناقتىلادى.«ۇكىمەتتىڭ Samruk-Kazyna Construction-دى بىرىڭعاي تاپسىرىس بەرۋشى رەتىندە ايقىنداۋ تۋرالى ۇسىنىسىن قولداۋعا بولادى دەپ ەسەپتەيمىن. بۇل بۇكىل پروتسەستى ءبىر جەردە جوسپارلاۋعا, سالۋعا جانە باسقارۋعا مۇمكىندىك بەرەدى. مەكتەپتەر بويىنشا تالاپ ەرەكشە بولادى», دەپ قوستى قاسىم-جومارت توقاەۆ.