1 قازاندا پولشانىڭ ليۋبلين قالاسىندا وتەتىن كاسىپقوي بوكس كەشىندە ءۇش سپورتشىمىز باق سىنايدى. ولار – بەكزات نۇرداۋلەتوۆ, مەيىرىم نۇرسۇلتانوۆ جانە بەكمان سويلىباەۆ.
جارتىلاي اۋىر سالماقتاعى بەكزاتتىڭ اۋەسقويلار اراسىندا الەم چەمپيونى دەگەن اتاعى بار. 24 جاستاعى ماڭعىستاۋ وبلىسىنىڭ تۋماسى كاسىپقويلار اراسىندا 2020 جىلدان بەرى ونەر كورسەتۋدە. سول ارالىقتا ول بەس جەكپە-جەك وتكىزىپ, بارلىعىندا جەڭىسكە جەتتى. پولشادا نۇرداۋلەتوۆ گرۋزيالىق ياگو كيزيريامەن (6-8, 4 كو) كۇش سىناسادى. ورتا سالماقتاعى مەيىرىم – جاستار اراسىندا ازيا چەمپيونى, WSB دوداسىنىڭ جەڭىمپازى. سەمەي وڭىرىندە دۇنيەگە كەلگەن 29 جاستاعى نۇرسۇلتانوۆ 2016 جىلدان بەرى كاسىپقويلارمەن سايىسقا ءتۇسىپ, 17 باسەكەنىڭ بارلىعىندا باسىمدىق تانىتتى. ول وزىنە تيەسىلى WBO International نۇسقاسىنىڭ التىن بەلبەۋىن ساقتاپ قالۋ ءۇشىن ارگەنتينالىق مارسەلو فابيانو كاسەرەسپەن (18-4, 13 كو) كەزدەسەدى.
ال جارتىلاي جەڭىل سالماقتاعى بەكمان سويلىباەۆ (14-1, 5 كو) وڭتۇستىك افريكا رەسپۋبليكاسىنىڭ وكىلى سيفوسەتحۋ مۆۋلمەن (16-4-1, 7 كو) شەبەرلىك بايقاسادى. ول دا التىن بەلبەۋ ءۇشىن تالاسادى.