2 قازاندا ەلوردالىق ترياتلون پاركىندە بالالار جىلىنا ارنالعان «OTBASY DUATLON 2022» جارىسى وتەدى, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
تىركەۋ نومىرلەرى 2 قازاندا ساعات 08:00-دەن 10:00-گە دەيىن بەرىلەدى. جارىستارعا قاتىسۋعا 8 جاستان 9 جاسقا دەيىنگى, 10 جاستان 11 جاسقا دەيىنگى جانە 12 جاستان 13 جاسقا دەيىنگى جاس ساناتىنداعى بالالار جىبەرىلەدى. ال اتا-انالاردىڭ جاسى ماڭىزدى ەمەس.
جارىس ەكى سپورت تۇرىنەن ءۇش قاشىقتىقتا وتكىزىلەدى. قاشىقتىقتىڭ جالپى ۇزىندىعى 4,5 كم قۇرايدى.
اكەلەر سورە سىزىعىنان 2,1 كم قاشىقتىقتى ءبىرىنشى بولىپ جۇگىرىپ وتەدى, ولار ەستافەتالىق تاسپانى انالارعا بەرەدى جانە ترانزيتتىك ايماقتا كۇتەدى.
2,1 كم ۆەلوسيپەدپەن ەكىنشى بولىپ ەستافەتانى بالالارعا بەرەتىن انالار وتەدى.
ءۇشىنشى جۇگىرىس مارەگە دەيىن 200 م (8-9 جاس, 10-11 جاس, 12-13 جاس) جەتەدى.
«جەڭىمپازدار I, II, III كەزەڭدەردى اياقتاعان وتباسىلار بولادى. ءار توپتاعى جارىس جەڭىمپازدارى بارلىق قاشىقتىقتى ەڭسەرۋگە جۇمسالعان ۋاقىت بويىنشا انىقتالادى. بارلىق قاتىسۋشىلار جارىسقا قاتىسقانى ءۇشىن مەدالدارمەن ماراپاتتالادى. ۇزدىكتەر I, II, III دارەجەلى ديپلومدارمەن جانە باعالى سىيلىقتارمەن, اتاپ ايتقاندا: تەلەديدار, ميكروتولقىندى پەش, شاڭسورعىش, تەرموپوت, سمارتفون, سمارت-ساعات, ۆەلوسيپەدپەن ماراپاتتالادى», دەلىنگەن حابارلامادا.
سونىمەن قاتار, قاتىسۋشىلارعا «Dodo» مەيرامحاناسىنىڭ ارنايى سەرتيفيكاتتارى مەن «GALANZ bottlers» كومپانياسى ۇسىنعان «Sevens» سۋى تاراتىلادى.
وتباسىلىق جارىسقا تىركەلۋ ءۇشىن كەلەسى تەلەفوندار ارقىلى حابارلاسۋ قاجەت: 87470545900 دارىن, 87079778001 ريزابەك.
سونداي-اق, قاتىسۋشىلار اراسىندا تىركەۋ نومىرلەرى بويىنشا لوتەرەيادا 10 ۆەلوسيپەد ويناتىلادى.